Kitaphananyń baspasóz qyzmetiniń derekterine súıensek, mátindi sensorlyq pernetaqtanyń kómegimen jáne daýysty engizýmen qatar, sensorlyq qurylǵylardyń zaǵıp tutynýshylary arasynda braıldik engizý tanymaldyq sıpat alýda. Bul IOS-ta 2016 jyldan bastap engizilgen, qosymsha baǵdarlamalardy ornatýdy talap etpeıtin standartty fýnksııa. Android-da bul fýnksııa bógde pernetaqtalardy, sonyń ishinde aqyly pernetaqtalardy qoldaný arqyly júzege asyrylady.
Braıl engizýin paıdalanǵan kezde, qurylǵy ekranynda parametrlerge baılanysty alty nemese segiz núkte kórsetiledi. Núktelerden qajetti kombınasııany bir mezgilde basqanda, ekranda oǵan sáıkes tańba paıda bolady. Sandar men keıbir belgilerdi jazý úshin núktelerdiń kombınasııasy, sonyń ishinde pýnktýasııasy tańdalǵan braıldik kestege baılanysty.
Dáris barysynda maman jańa kontakt qurý mysalynda Android jáne iOS operasııalaryna braıldik júıeler engizý múmkindikterin kórsetti.
Dáristi myna siltemeden tyńdaýǵa bolady: https://yadi.sk/d/V5JsPf77JtoGzQ
