«QR-kodtar men NFS tehnologııasy bar smartfondardy paıdalanýdy qosa alǵanda, ártúrli nusqalar qarastyryldy. Biraq mundaı sheshimder belgili bir qıyndyqtarǵa baılanysty qabyldanbady»,-dep atap ótti «Eńbek resýrstaryn damytý ortalyǵy» kompanııasynyń múgedektikti belgileý jáne áleýmettik qyzmet kórsetý jónindegi aqparattyq júıelerdi damytý jáne súıemeldeý departamenti dırektorynyń orynbasary Álisher Elýbaev.
Ámbebap kartasy zeınetaqy jáne járdemaqy alý, qoǵamdyq kólikte júrý, sondaı-aq, taýarlar men qyzmetter saýda, medısınalyq jáne ózge de jelilerde qoldanylady. Áleýmettik karta boıynsha jol júrýge 50 paıyzdyq jeńildikter alýǵa bolady.
ID-kartany Qazaqstannyń barlyq azamattary ala alady. Karta eń aldymen, zeınetkerler, járdemaqy alýshylar, sondaı-aq mektep oqýshylaryna beriledi. Ámbebap áleýmettik kartalar aqysyz negizde beriletin bolady.
Sonymen qatar, birneshe jyl boıy «Qazposhta» bólimsheleriniń kassalarynda járdemaqy men zeınetaqy alýdyń balamaly nusqasy jumys isteıtin bolady. Úkimet sheshimine sáıkes biryńǵaı ID-kartaǵa tolyq kóshý 2023 jylǵa deıin aıaqtaý josparlanyp otyr.
