О́mir bizdiń tutastyǵymyz ben uıymshyldyǵymyzdy taǵy bir synaǵysy kelgen sekildi. Al biz búkil álemge yntymaqtastyq, adaldyq, senimdilik, ózara kómek sııaqty eń qasıetti uǵymdardy qalaı baǵalaıtynymyzdy dáleldeı aldyq.
Qıyn kúnderi bizdiń halqymyz árdaıym uıymshyl bola alatynyn tarıhshy retinde senimmen aıta alamyn. Jylnamamyzdyń ár kezeńderinde memleketimizdiń basynda bizdiń elimizdiń azamattary sengen kóshbasshylar bolǵany belgili. Mine, búginde Elbasy bizdi jańa jeńisterge, jarqyn bolashaqqa senimdi túrde bastap keledi. «Tájvırýs» ataýymen kelgen kezekti shabýyldy da eńseremiz. Buǵan eshqandaı da kúmán bolmaýy tıis.
Meıli, tabalaýshylar ártúrli «laqpashyl» oılaryn aıta bersin. Ýaqyt óte biz ózimizdiń búgingi kúrmeýi qıyn túıindi sheshýde etken eńbegimiz ben qajyrlyǵymyzdyń jaqsy nátıjesin kóretin bolamyz. Shyǵys halqynda: «shydamdylyq – qýanyshqa bastar jol!» degen qanatty sóz bar. Qıyndyqqa moıymastan tek alǵa umtylýymyz kerek! Elbasymyz mundaı qajyrlylyq pen shydamdylyqqa árdaıym shaqyryp keledi. «Jol júrse qysqarady» deıdi dana halqymyz. Al biz durys jolda kele jatqanymyzǵa eshqandaı kúmánimiz joq. Buǵan Elbasymyzdyń halqyna úndeýimen tanysý barysynda taǵy da kóz jetkizip otyrmyn. «Biz birgemiz!».
Baýyrjan BAITANAEV,
Á.H.Marǵulan atyndaǵy Arheologııa ınstıtýtynyń dırektory, UǴA akademıgi
