HUAWEI CLOUD koronavırýsqa qarsy halyqaralyq is-qımyl josparynyń bóligi retinde aqysyz jasandy ıntellekt jáne bultty qyzmetterdi usynyp otyr. Osy oraıda kompanııa pandemııamen kúresýge álemdik seriktesteriniń nazaryn aýdaryp otyr.
HUAWEI CLOUD Global Market prezıdenti Den Tao «HUAWEI CLOUD pandemııamen kúresý úshin bultty jáne jasandy ıntellekt sııaqty ınnovasııalyq tehnologııalardy paıdalaný arqyly Qytaıdaǵy seriktestermen jumys jasaý ústinde. Kompanııa atalmysh jumys barysynda jasandy ıntellekt kómegimen kompıýterlik tomografııa taraýyn taldaýda, dári-dármekterdi tabýda, onlaın bilim berý jáne telekommýnıkasııalyq tehnologııalardy paıdalanýda praktıkalyq tájirıbe jınaqtady. Endi halyqaralyq tájirıbe almasý úshin osy is-qımyl josparyn iske qosýdamyz. Biz búkil álemdegi tutynýshylarymyzǵa daǵdarys barysyndaǵy qıyndyqtardy jeńýge kómektesýge tehnologııalyq múmkindikter usynyp otyrmyz» dep atap ótti.
HUAWEI CLOUD densaýlyq saqtaý salasynda EIHealth-ty tegin negizde usynady. Oǵan vırýstyq genomdy anyqtaý, sılıkondy skrınıngtegi vırýsqa qarsy preparat jáne naýqastardy jasandy ıntellekt negizinde kompıýterli tomografııalyq skrınıng qyzmetteri kiredi.
HUAWEI CLOUD bilim berý salasynda seriktestermen birge mektepter men basqa da bilim berý mekemelerine onlaın rejıminde bilim berý qyzmetterin usynady. Sondaı-aq, kompanııa pandemııa barysynda kásiporyndardyń úzdiksiz jumysyn qamtamasyz etý úshin olardyń bulttyq servıstegi qyzmetine kómektesedi.
Qazirgi tańda HUAWEI CLOUD jańadan tirkelgen árbir paıdalanýshy úshin 1500 saǵatqa deıin bultty resýrstaryn tegin usynady. Bul usynys sondaı-aq HUAWEI CLOUD (halyqaralyq) veb-saıtyndaǵy táýlik boıy kásibı qoldaýǵa ıe.
HUAWEI CLOUD sonymen qatar, qashyqtaǵy keńse, jasandy ıntellektpen qoldaý, kásiporynǵa kómek, aqyldy densaýlyq saqtaý jáne onlaın-bilim sııaqty bes negizgi ssenarııge baǵyttalǵan COVID-19ǵa qarsy Seriktestik baǵdarlamasyn shyǵardy. Bul baǵdarlamaǵa qatysatyn seriktester jan-jaqty iskerlik, tehnologııalyq jáne naryqtyq qoldaýmen qatar 30 000 AQSh dollaryna deıingi aqysyz bultty resýrstar múmkindigine ıe.
COVID-19-ben kúresýdiń jahandyq josparyna qosylý úshin antivirus1@huawei.com meken-jaıy boıynsha habarlasýǵa bolady.
