Alǵashynda jekpe-jek reseılik Habıb Nurmagomedov pen Tonı Fergıýson arasynda ótýge tıis edi. Daǵystannyń óreni jekpe-jekten bas tartqannan keıin ony Getjı almastyrdy. Sol kezderi kulli álemde koronavırýs indeti órship, kóptegen memleketterde sporttyq jarystardy ótkizýge tyıym salyndy. Biraq UFC prezıdenti Dana Ýaıt men aıtýly týrnırdi qalaı da uıymdastyramyn dep biraz aram ter boldy. Sport salasynyń basy-qasynda júrgen azamattar onyń bul áreketin synǵa alyp, tipten «Arzan abyroı jıyp, mol kólemde aqsha tabý úshin Ýaıt eshteńeden taıynbaıdy. Onyń qulqyn tesip bara jatqan sol» dep te aıyptady.
Desek te kúni keshe 18 sáýirge josparlanǵanjarystyń ótpeıtini belgili boldy. «Mıllıondaǵan jankúıer taǵatsyzdana kútken týrnırdi qalaı da uıymdastyrý úshin men barymdy saldym. Biraq joǵary jaqtan maǵan úlken adamdar habarlasyp, ótinish jasady. Solardyń aıtqanyna kónbeske bolmady, deıdi Dana Ýaıt.
