43 jasqa deıin sharshy alańdy armansyz shaıqaǵan Mıchıgan shtatynyń týmasy shırek ǵasyrǵa jýyq ýaqyt boıy kásipqoı rıngte kúsh synasty. Sol aralyqta 50 jekpe-jek ótkizip, barlyǵynda jeńiske jetti. 27 qarsylasyn nokaýtqa jiberdi.Meıvezer óz dáýiriniń barlyq myqtylaryn utty. Birneshe salmaq dárejesi jáne birneshe nusqa boıynsha álem chempıony atandy. Onyń esimi tórtkúl dúnıedegi teńdessiz boksshylardyń biri ári biregeıi retinde tarıhta qaldy.
Sońǵy básekesin 2017 jyldyń 26 tamyzynda ótkizgen Floıd erejesiz jekpe-jekti has sheberi, ırlandııalyq Konor Makgregordy aıqyn basymdyqpen utqan bolatyn. Sodan beri úsh jylǵa jýyq ýaqyt ótti. Meıvezer ne rıngke shyqqan joq, ne sporttyq karerasyn aıaqtaıtynyn aıtpady.
Kúni keshe ol bapkerlik kásippen shuǵyldanatynyn málimdedi. Osydan biraz ýaqyt buryn onyń aǵasy, kezindegi kásipqoı boksshy ári jattyqtyrýshy Rodjer Meıvezerdiń qaıtys bolǵany belgili. Floıd aǵasynyń jolyn jalǵastyrýdy jón kórgen eken.
