WBA nusqasy boıynsha ýaqytsha chempıon atanyp otyrǵan 30 jastaǵy Tumandy Albıon eliniń túlegi BAQ ókilderine bergen suhbatynda: «Biz 2016 jyly kezdesýimiz kerek edi. Alaıda pysyqaılar sońǵy sátte meni ysyryp tastap, sharshy alańǵa Kellı Brýkty shyǵardy. Bul jekpe-jektiń qalaı aıaqtalǵanyn ózderiniz de kórdińizder. Al sol sátte rıngte men bolǵanda barlyǵy basqa ssenarıı boıynsha órbıtin edi. Iá, búgingi tańda barlyq jurt Golovkındi joǵary baǵalaıtyny ras. Biraq men ony qalaı jeńý kerektigin jaqsy bilemin. Tipten, GGG-ny nokaýtqa da jibere alamyn. Oǵan esh kúmándaryńyz bolmasyn», - dep málimdedi.
Krıs Iýbenk kásipqoı rıngte 2011 jyldyń qarasha aıynan beri judyryqtasyp júr. Sol aralyqta ol 31 kezdesý ótkizip, 29 ret jeńiske jetti. 22 qarsylasyn aıqyn basymdyqpen utty. Byltyr ol eki ret rıngke kóterilip, óz otandasy Djeıms Dıgıl men reseılik Matveı Korobovtan basym tústi.
