Football London basylymy taratqan málimetterge sensek, bul básekeler shilde aıynda bastalyp, tamyzda márege jetýge tıis. Alaıda matchtar kórermensiz ótedi. Osyndaı qolaısyzdyqqa qaramastan Anglııa Premer-lıgasynda óner kórsetetin komandalardyń basym kópshiligi joǵarydaǵy talaptarǵa moıynusynyp otyr. Olar bıylǵy jylǵy Anglııa chempıonaty qalaı da aıaqtalýǵa tıis dep esepteıdi.
Qazirgi kezde Premer-lıgada «Lıverpýl» qarsylastarynan qara úzip ketti. 19 kezdesýden keıin olar 82 upaı jıyp otyr. Endi Iýrgen Kloptyń komandasyn eshkimniń qýap jete almasy anyq. Ekinshi oryndaǵy «Manchester Sıtı» 57 upaı jıdy. Úshinshi orynǵa «Lester» taban tirep tur. Olardyń enshisinde – 53 upaı.
