Keshe Premer-Mınıstrdiń orynbasary E.Orynbaevtyń tóraǵalyǵymen Úkimet janyndaǵy densaýlyq saqtaý jónindegi ulttyq úılestirý keńesiniń kezekti otyrysy bolyp ótti.
Jıynda týberkýlezben kúresti ári qaraı jetildirý jáne estý qabiletteri nashar balalarǵa kómek kórsetý máseleleri qaraldy.
Sońǵy 10 jylda Qazaqstanda týberkýlezben syrqattanýshylyq – 50%, al ólim-jitim 67%-ǵa azaıdy. Negizgi epıdemıologııalyq kórsetkishterdi ári qaraı tómendetý úshin vedomstvoaralyq jáne sektoraralyq ózara is-árekettestikti kúsheıtý kerek.
Keshe Premer-Mınıstrdiń orynbasary E.Orynbaevtyń tóraǵalyǵymen Úkimet janyndaǵy densaýlyq saqtaý jónindegi ulttyq úılestirý keńesiniń kezekti otyrysy bolyp ótti.
Jıynda týberkýlezben kúresti ári qaraı jetildirý jáne estý qabiletteri nashar balalarǵa kómek kórsetý máseleleri qaraldy.
Sońǵy 10 jylda Qazaqstanda týberkýlezben syrqattanýshylyq – 50%, al ólim-jitim 67%-ǵa azaıdy. Negizgi epıdemıologııalyq kórsetkishterdi ári qaraı tómendetý úshin vedomstvoaralyq jáne sektoraralyq ózara is-árekettestikti kúsheıtý kerek.Osyǵan oraı, Densaýlyq saqtaý mınıstrligi 2014-2020 jyldarǵa arnalǵan týberkýlezben kúres jónindegi keshendi jospardy bekitýdi usyndy. Jospar Dúnıejúzilik densaýlyq saqtaý uıymy usynǵan týberkýlezdiń aldyn alý, dıagnostıkalaý jáne emdeýdiń ınnovasııalyq tehnologııalaryn qoldana otyryp, týberkýlezge qarsy is-sharalardy jetildirýge baǵyttalǵan.
Týberkýlezben kúres jónindegi keshendi jospar sheńberindegi is-sharalar Ǵalamdyq qor, Dúnıejúzilik densaýlyq saqtaý uıymy, úkimettik emes uıymdar jáne ózge de seriktestermen birlese otyryp júzege asyrylatyn bolady. Aıta ketetin jaıt, Qazaqstan týberkýlezben kúreste jaqsy jetistikterge qol jetkizýiniń arqasynda JITS/AITV, týberkýlez jáne bezgekpen kúres jónindegi ǵalamdyq qor grantyn ala alady.
Qazaqstanda estý qabiletteri nashar balalarǵa kórsetiletin kómekti jetildirý baǵytynda is-sharalar qabyldanýda. Elimizde sýrdologııalyq kómek memlekettik kepildikter sheńberinde kórsetiledi jáne oǵan medısınalyq, áleýmettik, psıhologııalyq-pedagogıkalyq kómek kiredi. Tıisinshe, bul salada birqatar mınıstrlikter men jergilikti atqarýshy organdardyń ózara is-árekettestigin arttyrý kerek.
Densaýlyq saqtaý mınıstrligi qajetti normatıvtik-quqyqtyq baza ázirledi. Jańa týylǵan nárestelerdiń estý qabiletin anyqtaý maqsatynda 2010 jyldan beri skrınıng júrgizilýde. Respýblıka boıynsha 36 sýrdologııalyq kabınet qyzmet etýde. 2014-2015 jyldary osyndaı taǵy 24 kabınet ashý josparlanyp otyr.
Estý qabileti nashar balalardyń densaýlyǵyn qamtamasyz etýde jańa ádister engizý maqsatynda elimizde «kohlearly ımplantasııa» sııaqty joǵary tehnologııalyq operasııalar engizilýde. 2013 jyly «kohlearly ımplantasııany» qarjylandyrý kólemi 7 esege artty. Jyl saıyn respýblıkalyq bıýdjetten bul maqsatqa 500 mln. dollardan astam qarajat bólinedi. Búgingi tańda 800-den astam balaǵa osyndaı ota jasaldy.
Osyndaı balalardy jalpy bilim berý baǵdarlamalaryna beıimdeý jóninde Úkimet basshysynyń orynbasary Bilim jáne ǵylym mınıstrligi men ákimdikterge naqty tapsyrmalar júktedi.
«Egemen-aqparat».
