Sonymen qatar Memleket basshysy karantın kezinde el turǵyndaryna qoldaý kórsetip jatqan mədenıet qaıratkerleri men qyzmetkerlerine alǵys aıtty.
«Osy múmkindikti paıdalanyp, azamattarǵa túsingenderi, shydamdylyq tanytyp, tabandy bolǵandary úshin rızashylyǵymdy bildirgim keledi. Sonymen qosa Mádenıet qaıratkerlerine jeke raqmetimdi joldaımyn. Olar sózben de, ispen de qazaq halqyna kómektesip jatyr. Bul rette «Karantındegi juldyz» jalpyulttyq jobasynyń barysyn rızashylyqpen qadaǵalap otyrmyn. Biregeı, ári paıdaly bastama», - dedi Memleket basshysy.
Aıta keteıik, Mədenıet jəne sport mınıstrligi karantın kezinde «Qazaqtelekom» AQ-men birlesip, «Karantındegi juldyz» jobasyn júzege asyryp keledi. Onlaın-konsert aıasynda Qazaqstannyń halyq ártisi Roza Rymbaeva eki ret, Jubanysh Jeksenuly, Jeńis Seıdollauly, Səken Maıǵazıev, Bekbolat Tileýhan, Aıman Musaqojaeva, Maıra Muhamedqyzy, Qurmash Mahanov jəne Əmire, Aıqyn Tólepbergen, Jəmılə Serkebaeva, Ninety One toby, MEZZO toby óner kórsetti.
Atalǵan ónerpazdardyń konsertin elimizden bólek, TMD elderi, Serbııa, AQSh, Fransııa turǵyndary tamashalaǵan.
