Oqýshylar jańa mektepte oqıdy
Elbasy Nursultan Nazarbaevtyń tapsyrmasymen júzege asyrylyp jatqan «100 mektep, 100 aýrýhana» baǵdarlamasy negizinde elimizde jańa mektepter boı kóterip, san myńdaǵan bala qýanyshqa kenelýde. Sonyń biri jańa oqý jylynda elorda irgesindegi Qoıandy eldi mekeninde boı kótergen jańa mektep ǵımaraty der edik. Myńnan astam oqýshyny qabyldap otyrǵan bul jańa bilim oshaǵy ǵımaratynyń ashylǵanyna jergilikti jurtshylyqtyń rızashylyqtary sheksiz.
Oqýshylar jańa mektepte oqıdy
Elbasy Nursultan Nazarbaevtyń tapsyrmasymen júzege asyrylyp jatqan «100 mektep, 100 aýrýhana» baǵdarlamasy negizinde elimizde jańa mektepter boı kóterip, san myńdaǵan bala qýanyshqa kenelýde. Sonyń biri jańa oqý jylynda elorda irgesindegi Qoıandy eldi mekeninde boı kótergen jańa mektep ǵımaraty der edik. Myńnan astam oqýshyny qabyldap otyrǵan bul jańa bilim oshaǵy ǵımaratynyń ashylǵanyna jergilikti jurtshylyqtyń rızashylyqtary sheksiz.
– Osyǵan deıin balabaqsha ǵımaratynda oqyp kelgen oqýshylarymyzdyń qýanyshynda shek joq. Munda balasyn jetektep kelip jatqan árbir ata-ana Elbasyna alǵystaryn aıtyp, qýanyp jatyr. Sebebi, burynǵy 9 jyldyq mektepte bar joǵy seksendeı ǵana oqýshy bolǵan. Al qalǵandary túgeldeı Astanaǵa qatynap oqyp keldi. Endi mine, mektebimiz keń ári bárimizge oryn jetedi. Eń bir qýanarlyǵy, búgingi kúni oqýshylar sany bir myń eki júzge shyǵyp otyr. Bul erekshe jaǵdaı. Mektep tolyq paıdalanýǵa berilgendikten, jańadan muǵalimder de qabyldap jatyrmyz. Buryn ózge jerlerdegi mektepterde jumys jasap júrgen ustazdardyń deni búginde óz aýylymyzda, óz mektebimizde dáris oqıtyn bolady. «Jas kelse iske» demekshi bizdegi muǵalimderdiń basym kópshiligi jastar. Jastardan kóp úmit kútýge bolady, – deıdi mektep dırektory Jádı Shákenuly.
Ábdirahman QYDYRBEK,
«Egemen Qazaqstan».
