2013 jylǵy 13 naýryz, Astana, Úkimet Úıi
«Qazaqstan Respýblıkasy Bilim jáne ǵylym mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy № 1111 qaýlysyna ózgerister engizý týraly
Qazaqstan Respýblıkasynyń Ykimeti qaýly etedi:
1. «Qazaqstan Respýblıkasy Bilim jáne ǵylym mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy № 1111 qaýlysyna (Qazaqstan Respýblıkasynyń PÚAJ-y, 2004 j., № 40, 522-qujat) mynadaı ózgerister engizilsin.
1-tarmaqtyń 2), 2-1) tarmaqshalary alynyp tastalsyn;
kórsetilgen qaýlymen bekitilgen Qazaqstan Respýblıkasy Bilim jáne ǵylym mınıstrligi týraly ereje osy qaýlyǵa qosymshaǵa sáıkes jańa redaksııada jazylsyn.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 13 naýryzdaǵy №236 qaýlysyna qosymsha
Qazaqstan Respýblıkasy Úkimetiniń 2004 jylǵy 28 qazandaǵy №1111 qaýlysymen bekitilgen
Qazaqstan Respýblıkasy Bilim jáne ǵylym mınıstrligi týraly ereje
1. Jalpy erejeler
1. Qazaqstan Respýblıkasy Bilim jáne ǵylym mınıstrligi bilim, ǵylym, balalardyń quqyqtaryn qorǵaý jáne jastar saıasaty salalarynda basshylyqty júzege asyratyn memlekettik organ bolyp tabylady.
2. Qazaqstan Respýblıkasy Bilim jáne ǵylym mınıstrliginiń mynadaı vedomstvolary bar:
1) Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti;
2) Qazaqstan Respýblıkasy Bilim jáne ǵylym mınıstrliginiń Ǵylym komıteti;
3) Qazaqstan Respýblıkasy Bilim jáne ǵylym mınıstrliginiń Balalardyń quqyqtaryn qorǵaý komıteti;
4) Qazaqstan Respýblıkasy Bilim jáne ǵylym mınıstrliginiń Jastar isi komıteti.
3. Qazaqstan Respýblıkasy Bilim jáne ǵylym mınıstrligi óz qyzmetin Qazaqstan Respýblıkasynyń Konstıtýsııasyna, Qazaqstan Respýblıkasynyń zańdaryna, Qazaqstan Respýblıkasynyń Prezıdenti men Úkimetiniń aktilerine, Qazaqstan Respýblıkasynyń ózge de normatıvtik quqyqtyq aktilerine, sondaı-aq osy Erejege sáıkes júzege asyrady.
4. Qazaqstan Respýblıkasy Bilim jáne ǵylym mınıstrligi memlekettik mekeme uıymdyq-quqyqtyq nysanyndaǵy zańdy tulǵa bolyp tabylady, memlekettik tilde óz ataýy bar móri men mórtańbalary, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes qazynashylyq organdarynda shottary bolady.
5. Qazaqstan Respýblıkasy Bilim jáne ǵylym mınıstrligi azamattyq-quqyqtyq qatynastarǵa óz atynan túsedi.
6. Qazaqstan Respýblıkasy Bilim jáne ǵylym mınıstrliginiń, eger zańnamaǵa sáıkes osyǵan ýákiletti berilgen bolsa, memlekettiń atynan azamattyq-quqyqtyq qatynastardyń tarapy bolýǵa quqyǵy bar.
7. Qazaqstan Respýblıkasy Bilim jáne ǵylym mınıstrligi óz quzyretiniń máseleleri boıynsha zańnamada belgilengen tártippen Qazaqstan Respýblıkasy Bilim jáne ǵylym mınıstrligi basshynyń buıryqtarymen jáne Qazaqstan Respýblıkasynyń zańnamasynda kózdelgen basqa da aktilermen resimdeletin sheshimder qabyldaıdy.
8. Qazaqstan Respýblıkasy Bilim jáne ǵylym mınıstrliginiń qurylymy men shtat sanynyń lımıti qoldanystaǵy zańnamaǵa sáıkes bekitiledi.
9. Zańdy tulǵanyń ornalasqan jeri: 010000, Astana qalasy, Esil ózeniniń sol jaǵalaýy, Orynbor kóshesi, № 8 úı.
10. Memlekettik organnyń tolyq ataýy – «Qazaqstan Respýblıkasy Bilim jáne ǵylym mınıstrligi» memlekettik mekemesi.
11. Osy Ereje Qazaqstan Respýblıkasy Bilim jáne ǵylym mınıstrliginiń quryltaı qujaty bolyp tabylady.
12. Qazaqstan Respýblıkasy Bilim jáne ǵylym mınıstrliginiń qyzmetin qarjylandyrý respýblıkalyq bıýdjetten (shyǵystar smetasynan) júzege asyrylady.
13. Qazaqstan Respýblıkasy Bilim jáne ǵylym mınıstrligine kásipkerlik sýbektilerimen Qazaqstan Respýblıkasy Bilim jáne ǵylym mınıstrliginiń fýnksııalary bolyp tabylatyn mindetterdi oryndaý turǵysynda sharttyq qatynastarǵa túsýge tyıym salynady.
Eger Qazaqstan Respýblıkasy Bilim jáne ǵylym mınıstrligine zańnamalyq aktilermen kirister ákeletin qyzmetti júzege asyrý quqyǵy berilse, onda osyndaı qyzmetten alynǵan kirister respýblıkalyq bıýdjettiń kirisine jiberiledi.
2. Qazaqstan Respýblıkasy Bilim jáne ǵylym mınıstrliginiń mıssııasy,
negizgi mindetteri, fýnksııalary, quqyqtary men mindetteri
14. Qazaqstan Respýblıkasy Bilim jáne ǵylym mınıstrliginiń mıssııasy:
ulttyń zııatkerlik áleýetin damytý, básekege
