Qyzylorda qalalyq bas memlekettik sanıtarııalyq dárigeri Janar Jetilgenovaniń aıtýynsha bul arnaıy qaýly negizinde qabyldanyp otyrǵan sheshim. Qaýlyda memlekettik uıymdar, barlyq mekemeler jáne kásipkerlik nysandar qyzmetkerleriniń 80 paıyzdan astamynyń qashyqtan jumys isteý júıesine kóshýi kerektigi kórsetilgen. Al qalǵan qyzmetkerlerdi jumys berýshi mekeme kóligimen tasymaldaǵany jón.
Qalasy ákiminiń orynbasary Bektas Nurıdınov bul sheshim azamattardyń qaýipsizdigi úshin qolǵa alynyp otyrǵanyn jetkizdi.
Qazir oblys boıynsha vırýs juqtyrǵan 119 adam emdelip jatyr. Onyń 12-si oblys ortalyǵynan. Qala ákimdigi ókilderiniń aıtýynsha qoǵamdyq kólik qyzmetine tyıym karantın merzimi bitkenshe sozylýy múmkin.
