Amerıkanyń Tehas shtatyndaǵy Hıýston ýnıversıtetiniń ǵalymdary Japonııadan shamamen 1,6 shaqyrym jerde ornalasqan Tynyq muhıtynyń soltústik-batysyndaǵy bóliginde dıametri 550 shaqyrym, uzyndyǵy 4 shaqyrymnan asatyn iri výlkannyń bar ekenin dáleldep berdi. Bul týraly «Neıchýr geosaınes» ǵylymı jýrnalynyń elektrondy úlgisinde jarııalanǵan málimetke silteme jasaǵan ITAR-TASS habarlady.
Budan buryn bul jerde shaǵyn kólemdi kóptegen výlkandar bar dep eseptelgen. Alaıda, zertteýshiler seısmıkalyq barlaý tásilin qoldana otyryp, shaǵyn výlkandardyń barlyǵy tutas bir geologııalyq qurylymdy quraıtynyn anyqtady.
Výlkan shamamen 145 mln. jyl buryn túzilgen. Onyń qurylymyn anyqtaý úshin ǵalymdarǵa muhıt túbinde tereńdigi 170 metr uńǵyma qazýǵa týra kelgen.
Aıdar О́risbaev.
