Oblystyq orman sharýashylyǵy jáne janýarlar dúnıesi aýmaqtyq ınspeksııasy búgin brıfıng ótkizip, osy shara aıasynda atqarylatyn jumystar jaıyn baıan etti.
Bizdiń ınspeksııa, aýdandyq, qalalyq polısııa bólimderi, orman jáne janýarlar dúnıesin qorǵaý jónindegi memlekettik mekemeler, «Ohotzooprom» О́B» fılıaly, ańshylyq sharýashylyǵy ókilderinen mobıldik toptar qurylyp, kıiktiń mıgrasııalyq joldarynda qorǵaý sharalary kúsheıedi. Jedel top qyzmetkerleri, avtokólik quraldarymen jáne tıisti jabdyqtarmen qamtamasyz etiledi, – dedi oblystyq orman sharýashylyǵy jáne janýarlar dúnıesi aýmaqtyq ınspeksııasy basshysynyń orynbasary Marat Nurmaǵambetov.
Qazaqstan aýmaǵynda kıiktiń taralýy Betpaqdala, Oral jáne Ústirt popýlıasııasy dep bólinedi. Qyzylorda, Aqtóbe, Qaraǵandy, Qostanaı, Aqmola oblystarynyń aýmaǵyndaǵy kıikter Betpaqdala popýlıasııasyna jatady.
Byltyrǵy júrgizilgen sanaq jumystary Betpaqdala popýlıasııasy – 111 500, Oral popýlıasııasy – 217 000, Ústirt popýlıasııasy – 5900 bolyp, elimizdegi kıik sany 334 400-ge jetkenin kórsetti. 2018 jylmen salystyrǵanda 55 paıyzǵa kóbeıgen.
Qazaqstan Respýblıkasy Úkimetiniń 2012 jylǵy 25 shildedegi №969 qaýlysyna sáıkes sol tusta sany kúrt azaıyp ketken kıikti 2020 jylǵa deıin aýlaýǵa tyıym salynǵan bolatyn. Orman sharýashylyǵy jáne janýarlar dúnıesi komıteti 2020 jyldyń aqpan aıynda 2015 jylǵy 24 shildedegi № 190 buıryǵyna ózgerister engizip, ǵylymı maqsattarda paıdalanýdan basqa, el aýmaǵynda kıikterdi, olardyń bólikteri men derıvattaryn paıdalanýǵa 2023 jylǵa deıin tyıym saldy.
Biraq, kıeli ańdy qorǵaý kúsheıgen saıyn oǵan myltyq kezeýge qumarlar da azaıar emes. Osy jyldyń qańtar, naýryz aılarynda osyndaı 3 brakonerlik derek anyqtalyp, olarǵa qatysty polısııa organdary sotqa deıingi tergeý amaldaryn júrgizýde.
Jaqynda ǵana «Ohotzooprom» О́B» RMQK jedel tobynyń ınspektorlary osyndaı qaskóılerdiń izine túsip, qýǵynnan qashyp, aýdarylǵan kólik ishinen múıizi kesilgen 54 kıik, 224 dana múıiz, 25 oǵy bar MR-153 markaly ańshy myltyǵy, dúrbi men pyshaq tabyldy. Qazir osy iske baılanysty QR QK-niń 339-babynyń 3-bóligi 2-tarmaǵymen sotqa deıingi tergeý amaldary bastaldy.
2019 jyldyń qarasha aıynda qoldanystaǵy zań talaptaryna ózgerister engizilip, zańsyz ańshylyqpen nemese tasymaldaýmen, saqtaý, satý, satyp alýmen aınalysatyndarǵa qatysty baptar qatańdatyldy. Memleketke keltirilgen zalaldy esepteý erejesi de ózgerdi.
Mysaly, kıik tekesi úshin aıyppul 500 AEK, ıaǵnı 6 mln 250 myń 500 teńgege jetti. Al, eshkisi men laǵyn oqqa baılasańyz aıyp retinde 350 AEK nemese 4 mln 375 myń 350 teńge tóleısiz.
Sonymen qatar, sotty bolǵan azamattan qylmystyq áreketter obektisi, qylmys jasaý qarýy, paıdalanylǵan kólik quraldary, qylmys quraly bolyp tabylatyn múlikter tárkilenetin bolady.
