«Birneshe aıdan beri Covid-19 indeti búkil álemdi aıaǵynan tik turǵyzdy. Barlyq sportshylardy, federasııalar men semserlesý sportynyń jankúıerlerin Dúnıejúzilik densaýlyq saqtaý uıymy men óz elderińiz usynǵan nusqaýlyqtardy saqtaýǵa shaqyramyn. Halyqaralyq Olımpıada komıteti Tokıo oıyndarynyń merzimin aýystyrǵan soń, FIE atqarýshy komıteti de básekelerdi keıinge shegerýge sheshim qabyldady», delingen FIE prezıdenti Alısher Ýsmanovtyń jazbasynda.
Álemdegi ahýaldy eskere otyryp, FIE sáýir, mamyr jáne maýsym aılaryna josparlanǵan týrnırlerdi ótkizbeıdi. 2020 jyldyń naýryz aıyna deıingi nátıjeler men irikteý syndaryndaǵy upaılar saqtalady. Olımpıadaǵa irikteý týrnırleri qaıta bastalǵan soń, reıtıng de iske qosylmaq.
Erler men áıelder arasyndaǵy álem kýbogynyń tórt kezeńi keıinge shegerildi. Atalǵan básekeler koronavırýsqa qatysty jaǵdaı rettelgen soń ótkiziletin bolady.
