Atalǵan shara ınfeksııa juqtyrǵan adamdardy ýaqytynda anyqtap, olardy emdeýge jáne aýrýdyń adamdar arasynda ári qaraı taralýyna jol bermeýge múmkindik beredi.
«Aitas KZ» AQ jobanyń demeýshisi bola otyryp, jınaýshy mobıldi beketti iske qosý úshin 39 mıllıon teńge bólip otyr. Jobanyń operatory – «OLIMP klınıkalyq-dıagnostıkalyq zerthanalary» («OLIMP KDZ»).
«Biz sizdermen birge álemdegi jáne Qazaqstandaǵy ahýaldy kórip, baqylap otyrmyz. COVID-19 aýrýymen kúresýdegi tájirıbe kórsetip otyrǵandaı, eń tıimdi sharalardyń biri – ınfeksııa juqtyrǵan azamattardy der kezinde anyqtaý, olardy jáne olarmen baılanysta bolǵan adamdardy ary qaraı oqshaýlaý. Bizdiń «OLIMP KDZ»-men birlesken jobamyz bul prosesti jedeldetip, vırýstyń taralý oshaqtarynda ýaqytyly shara qabyldaýǵa jol ashady. Alǵashqy mobıldi beketter Qazaqstannyń tórt qalasynda, Nur-Sultan, Kókshetaý, О́skemen jáne Semeı qalalarynda aptanyń aıaǵyna deıin ashylady», dedi «Aitas KZ» AQ Bas dırektory Serik Tolyqpaev.
Bıomaterıal jınaýshy mobıldi beketterdi qurý arqyly vırýstyń taralý qaýpin barynsha azaıtýǵa múmkindik bar. Jınaýshy mobıldi beketterdi ashyq keńistikte, nysandardan tys ári emdeý-aldyn alý mekemelerine jaqyn jerge ornalastyrýǵa bolady.
Adamdardy sol beketterge belgili bir ýaqytta, basqa pasıenttermen jaqyndasa qoımaıtyn jaǵdaıda shaqyrady. Sonymen qatar kezekte turýdyń qajettigi bolmaıdy. Árbir pasıentten keıin sanıtarlyq tazartý jumysy júrgiziledi. Bekettiń medısınalyq personaly pasıentpen jaqyndaspaı, baılanys mıkrofon arqyly, al PTR analızi úshin baılanys – jeń arqyly ornatylady.
1 bokstyń ótkizý qabileti – 1 saǵatta 12 adamǵa jetedi. Jumys kestesi: 2 aýysym boıynsha 7 saǵat (kún saıyn tańerteń saǵat 8-den bastap). Shtatta 4 maman: medbıke, tirkeýshi, sanıtar qyzmet atqarady.
Jobany júzege asyrý úshin «Aitas KZ» AQ Qazaqstannyń tórt qalasy úshin (Nur-Sultan, Kókshetaý, Semeı jáne О́skemen) 50 myń ekspress-testti satyp alyp qoıǵan.
Buǵan qosymsha «Aitas KZ» AQ aımaqtar úshin 6 birdeı ókpeni jasandy jeldetý apparatyn (О́JJ – IVL) jáne dezınfeksııaǵa arnalǵan 38 dana búrkýshi satyp alyp otyr.
Koronavırýs boıynsha analızdi pasıentter cdl.kz saıtyndaǵy analız ótkizý bólimine ótinim qaldyryp, tegin tapsyra alady. Eger azamat qaýip aýmaǵynda bolsa, onda ol mindetti túrde shaqyrylady. Tekseristen ótetin adamdardyń tizimi Densaýlyq saqtaý mınıstrligi men jergilikti atqarýshy organdarmen birlese jasalady.
Ekspress-testileý men PTR zertteý boıynsha bıomaterıaldy jınaý tártibi:
Jobany Densaýlyq saqtaý mınıstrligi men Nur-Sultan, Kókshetaý, Semeı jáne О́skemen qalalarynyń ákimdiginiń qoldaýymen «Aitas KZ» AQ men «OLIMP KDZ» birlese júzege asyrýda.
Eske sala keteıik, «Aitas KZ» AQ budan buryn COVID-19 koronavırýs ınfeksııasyna qarsy kúres úshin 213 mıllıon teńge bólgen bolatyn. Jınaýshy mobıldi beketterdi iske qosý jobasy atalǵan soma aıasynda iske asyrylǵan. Kompanııa Qazaqstanda TJ rejıminiń engizilýine baılanysty birqatar sharany qabyldaǵan edi. Atap aıtqanda kompanııa «Kýs&Vkýs» brendti ónimderdiń baǵasyn ósirmeı, TJ jaǵdaıynda óndiristik holdıngti basqarýdy uıymdastyrý boıynsha kompanııanyń qujattarynyń https://aitas.kz saıtyna ashyq jarııalady. Halyqty úzdiksiz qamtamasyz etý úshin 1000 tonnalyq azaımaıtyn et qaldyǵyn saqtap, karantın men bıznes joq aýmaqtarda volonterlyq shtabtar qurdy.
