«О́kinishke qaraı, biz Qazaqstannyń karantınge jabylǵan 18 qalasyndaǵy abonenttik bólimshelerdi jabýǵa májbúr boldyq. Basqa eldi mekenderde jumys isteýdi jalǵastyramyz, biraq jaǵdaı kúrdelenetin bolsa, ol bólimshelerdi de jabamyz. Bólimsheler jabylǵanymen, bizdiń klıentter óz máselelerin digital-arnalar men biryńǵaı baılanys ortalyǵyna habarlasyp sheshe alady», dedi «Qazaqtelekom» AQ Basqarma tóraǵasy Qýanyshbek Esekeev.
Onyń aıtýynsha, karantın kezinde ınternet tutynýshylarynyń sany edáýir artýyna baılanysty operatorlardyń sany eki esege artqan.
«Baılanys-ortalyqtarynyń jumys rejımi ózgerissiz qalady. WhatsApp jáne Telegram messendjerlerinde, sondaı-aq telecom.kz portalynda kún saıyn saǵat 08.00-den 23.00-ge deıin onlaın-keńester beriledi. Barlyq baılanys arnalary klıentterdiń suranystaryn jyldam ári rejımdi buzbaı sheshýge kómektesedi. Sondaı-aq paıdalanýshynyń telecom.kz-tegi jeke shotynyń múmkindikteri keńeıtildi», dedi ol.
