Ýnıversıtet rektory Ǵ.Mutanovtyń bastamasymen qolǵa alynǵan «QazUÝ stýdenti oqýy tıis 100 kitap» jobasy erekshe mánge ıe bolyp, stýdentterdiń qyzyǵýshylyǵyn týǵyzýda.
Jýyrda QR Bilim jáne ǵylym mınıstri Ashat Aımaǵambetov qazaqstandyq ata-analardy balalarynkitap oqýǵa baýlýǵa shaqyrǵany belgili. Osy oraıda «100 kitap» jobasyn birneshe jyl boıy tabysty júzege asyryp kele jatqan ál-Farabı atyndaǵy QazUÝ-dyń stýdentteri bul úndeýge qoldaý bildirip, ary qaraı jalǵastyrýdy qolǵa aldy. kaznu.kzmálimetterine súıensek, ýnıversıtet stýdentter oqýǵa tıisti júz kitapqa klassıkalyq álemdik týyndylar men ulttyq ádebıettiń eń úzdik tizimin usynyp otyr. Sondyqtan da árbir stýdent ýaqytty utymdy paıdalaný kerektigi men onyń eń jaqsy tásili – kitap oqý arqyly ózin-ózi damytý jáne tárbıeleýge ınvestısııalaý ekendigin túsinýi qajet.
«100 kitap», «Aınalańdy nurlandyr» syndy ýnıversıtettik jobalar jastardyń azamattyq jáne rýhanı-adamgershilik tárbıesine úlken úles qosýda. Kitap oqýdy tanymal etý maqsatynda fakýltetterde kýratorlyq saǵattar, ádebı kezdesýler men shyǵarmalardyń tanymal avtorlarymen arnaıy keshter onlaın rejımde ótýde. Eń belsendi stýdentter «Jyl oqyrmany» baıqaýyna qatysatyn bolady.
Bos ýaqytyn jaqsy kitaptar men mazmundy jáne sapaly ádebıetterdi oqýǵa arnaı otyryp, QazUÝ stýdentteri kásibı jáne rýhanı-adamgershilikti qalyptastyrýǵa atsalysýda.
