Mundaı jaǵdaıǵa jaqynda Almaty qalasynda patrýldeýge qatysatyn Radıoelektronıka jáne baılanys əskerı-ınjenerlik ınstıtýtynyń kýrsanttary tap boldy. Olar Tóle bı-Saın kóshesinen granatasy bar er adamdy ustady.
Kýrsanttardyń aıtýynsha, olarǵa eki belgisiz er adamdy kórsetip, olardyń qolynda jarylǵysh qol granatasy bar ekenin aıtqan jigit júgingen. Áskerı qyzmetshiler atalǵan adamdardy quryqtaýǵa tyrysqanymen, olar júgirip ketken. Sonyń saldarynan belgisiz bireýler qolǵa túsken.
«Olardyń biriniń qaltasynda zat boldy. Kenetten ol əlgi zatty alyp, jerge laqtyrdy. Men granatanyń korpýsyn baıqadym», – deıdi kýrsanttardyń biri Ersultan Bolat.
Sonymen qatar oqıǵa ornynda ustalǵandar polısııaǵa tapsyrylyp, granata alynyp, saraptamaǵa jiberildi. Keıin anyqtalǵandaı, olardyń bireýi buryn urlyq jáne tonaý əreketteri úshin sotty bolǵan. Jarylǵysh zat qaıdan alynyp, sondaı-aq paıdalanýǵa ne úshin josparlanǵanyn quqyq qorǵaý organdary anyqtaıdy.
Qurlyq áskerleri əskerı ınstıtýtynyń 4-kýrs kýrsanty Meırambek Naısekenov Almaty qalasy men oblys shekarasyndaǵy kópirden ózenge sekirip, ózine qol jumsamaq bolǵan áıeldi qutqardy. Qarańǵyda kópirdiń artynda turǵan áıeldiń beınesin kórgen Meırambek oǵan kómekke júgirgen. Ol birden qolyna ustap alyp, ony kópirdiń súıenishinen alyp, qaýipsiz jerge alyp barǵan.
Bolǵan oqıǵa týraly áskerı qyzmetshi rasııa boıynsha blok-beket basshylyǵyna baıandap, polısııa kelgenge deıin áıelge psıhologııalyq qoldaý kórsetýge tyrysqan. Belgili bolǵandaı, ol óziniń jigitimen aıyrylysýyna baılanysty osyndaı qadamǵa barǵan. Quqyq qorǵaý organdarynyń ókilderi kýrsanttyń batyl áreketteriniń arqasynda áıel tiri qalǵanyn atap ótti. Meırambekke osy əreketi úshin alǵys jarııalandy.
Aqtóbede Áýe qorǵanysy kúshteri əskerı ınstıtýtynyń kýrsanttary Roman О́teseıitov pen Dıas Shamenov te óz batyldyqtaryn kórsete bildi. Áskerı polısııa jasaǵynyń áskerı qyzmetshilerimen birge patrýldeýge qatysa otyryp, ákimshilik quqyq buzýshylyq jasaǵan er adamdy ustady. Atalmysh oqıǵa Beıbitshilik dańǵylynda oryn aldy. Ustalǵan azamat sýyq qarýda bolǵandyǵy anyqtaldy.
Aıta ketý kerek, əskerı oqý oryndarynyń joǵary kýrs kýrsanttary patrýldeýge qatysady. Bolashaq ofıserler tájirıbeli áskerı áriptestermen jáne quqyq qorǵaý organdarynyń qyzmetkerlerimen birlese qoıylǵan mindetterdi oryndaıdy jáne osyndaı qıyn jaǵdaılarda da azamattyqtaryn tanytady.
