Tótenshe jaǵdaı jarııalanǵan sátten bastap tanymal blogerler men tulǵalardyń qatysýymen 123 beıne úndeý uıymdastyrylǵan. Sonymen qatar shamamen 78 000 adamdy qamtyǵan 200-ge jýyq efırge shyǵý júzege asyrylǵan.
Sonymen qosa onlaın-rejimde Aıtys uıymdastyryldy. Is-sharaǵa respýblıka óńirlerinen 16 aqyn qatysty.
Jalpy karantın kezinde onlaın-rejimde taratýdyń sheksiz qoljetimdiligi arqyly qoǵamnyń barlyq salasy qamtylatyn bolady.
«Sanaly urpaq» jobasy «Talap» qoldanbaly zertteýler ortalyǵymen birlesip elimizdiń joǵary oqý oryndarynda sybaılas jemqorlyqty qabyldaý deńgeıin anyqtaý úshin 10 000-nan astam stýdentke onlaın saýalnama júrgizdi. Sonymen qatar atalǵan joba aıasynda 10 sáýirde oqýshylar men stýdentter arasynda sybaılas jemqorlyqqa qarsy taqyrypta esse jáne óleńder jazý, sýret salý, beınerolıkter boıynsha onlaın-baıqaý bastaldy.
Elde tótenshe jaǵdaı engizý halyqtyń jáne memlekettik organdar ókilderiniń áleýmettik oqshaýlaýyna ákep soqty, azamattar óz máselelerin sheshý kezinde qosymsha baılanys kedergilerine tap boldy.
Qalyptasqan jaǵdaıda erikti-zańgerler onlaın rejimde tegin zańdyq keńester beretin «Adal kómek» jobasy eń qolaıly sheshim bolyp tabylady. Joba arqyly kez-kelgen azamat naqty ýaqyt rejiminde, ornalasqan jerine qaramastan, áleýmettik oqshaýlaýdy saqtaı otyryp, joǵary bilikti quqyqtyq kómek ala alady. Joba keń aýqymda jumys isteýi úshin agenttik advokattardy, eldiń jetekshi zańgerleri men quqyqtanýshylaryn tartýda.
Tótenshe jaǵdaı jarııalanǵan sátten bastap 246 000-nan astam adamdy qamtıtyn 79 efırge shyǵý júzege asyryldy. Joba iske qosylǵan sátten bastap 10 000-nan astam azamat quqyqtyq keńes aldy.
Oń tájirıbeni taratý maqsatynda osy jobany iske asyrýǵa ortalyq memlekettik jáne jergilikti atqarýshy organdardyń, «Azamattarǵa arnalǵan úkimet» KeAQ jáne «Atameken» ulttyq kásipkerler palatysynyń ókilderin tartý kózdelýde.
