– Jańadan anyqtalǵan 12 naýqastyń úsheýi Qyzylorda qalasynan bolsa, toǵyzy Jańaqorǵan aýdanynan. Olardyń 11-i buryn anyqtalǵan naýqastarmen jaqyn qarym-qatynasta bolǵandardyń arasynan shyǵyp otyr. Al 1 naýqas Jezqazǵan qalasynda vahtalyq ádispen jumys jasap kelgen. Qaýipti indet juqtyrǵandardyń barlyǵy juqpaly aýrýlar aýrýhanasyna aýystyrylyp, tıisti emderin qabyldaýdy bastady, – dedi Jaqsylyq Ábilqasymuly.
Sala basshysy aımaq dárigerleri qaýipti indetke shaldyqqandardy anyqtaýdyń belsendi satysyna kóshkendigin atap ótti. Naýqas neǵurlym erte anyqtalsa, soǵurlym emdeý sharalary tez bastalady. Em de nátıjeli bolady.
– Sondyqtan da naýqastar sanynyń kúrt kóbeıýinen qorqýdyń qajeti joq. Qaýipsizdik talaptaryn barynsha saqtap, shekteý sharalaryn esten shyǵarmaıyq, – dedi aımaqtyń bas dárigeri.
