Halyqty azyq-túlikpen qamtamasyz etýde esh másele týyndamaýy tıis. Qaladaǵy kóterme saýda núktelerinde adam qarasy burynǵyǵa qaraǵanda birshama azaıǵan. Alaıda, taýardan tapshylyq joq. Tek baǵa kóterilgen.
–Jergilikti ákimdikpen baǵany negizsiz kótermeý jóninde memorandýmǵa qol qoıdyq. Soǵan sáıkes bizdiń saýda ortalyǵyna keletin azyq-túlik baǵasyn túgel baqylaýǵa aldyq. Satýshylarǵa baǵany tek 10 prosentke kóterýge ruqsat etildi. Onyń ózi jolaqyny aqtaý úshin,–deıdi kóterme saýda núktesiniń ákimshisi Rázııa Rahmetova.
Qazir alys-jaqyn aýyldardan kelip, azyq-túlikti satyp alýshy kásipkerler qatary kóbeıipti. Sebebi, suranys joǵary. О́ıtkeni, aýyldyqtar burynǵydaı qalaǵa ózderi kele almaıdy.
–Karantınniń yqpaly aýyldarǵa da tıip otyr. Birinshiden, ruqsat qaǵazyn alyp júrýge týra keledi. Odan qaldy koronavırýs paıda bolǵaly baǵa da kóterildi. Aýylymyzda 3 dúken bar. Menińshe, azyq-túlikten tarshylyq kórmeıdi,–deıdi aýyl turǵyny Esenbaı Qonysbaev.
Karantın aýyl turǵyndaryna qalaı yqpal etýde?! Birinshiden, aýyldardyń kóbinde ne dárihana, ne dáriger, tipti keıbir eldi mekenderde azyq-túlik dúkenderi de joq. Bolsa da, baǵasy qymbat dep shaǵynady aýyl turǵyndary. Odan qaldy kartamen aqsha alatyn bankomat, telefonǵa birlik salatyn termınal da kezdespeıdi.
–Aýylda azyq-túlik alýda birshama qıyndyqtar týyp otyr. Bul aqshasyz tólem júrgizýge qatysty. Aqshamnyń bári kartochkada qalǵandyqtan, ne isterimdi bilmeı qaldym. Aýylda bankomat joq. Sondyqtan osy jaǵyn oılastyrsa ǵoı degen ótinishimiz bar. Qazir dúkenderimizde qajetti degen taýarlar bar. Aýyl turǵyndarynyń kóbi qalaǵa kelip, qalaǵan baǵaǵa qajetti taýarlardy alyp úırenip qalǵan ǵoı. Biraq karantın rejıminiń tártibin buzbaýymyz kerek. Sebebi, bul ózimizdiń qaýipsizdigimiz úshin mańyzdy, deıdi aýyl turǵyny Eldar Bogapov.
Osylaısha, qalanyń karantınge jabylýy aýyl turǵyndaryna da óz yqpalyn tıgizip jatyr.
Aqmola oblysy.
