Sıfrlandyrý baǵyttarynyń ózektiligin eskere otyryp, agenttik sotqa deıingi tergeýdi elektrondy formatta júrgizý jáne kıberqaýipsizdikti qamtamasyz etý úshin jumys oryndaryn barlyq qajetti quraldarmen tolyq jaraqtandyrý boıynsha jumysty kúsheıtýde. Máselen, qarjylandyrýdyń bastalýyn kútpesten, agenttik 2019 jyly óz kúshimen únemdelgen qarajat esebinen 89 mln 320 myń teńgege qajetti jabdyqty satyp aldy.
Bul osy jyldyń basynan beri elimizdiń 3 óńirinde (Batys Qazaqstan, Atyraý jáne Pavlodar oblystarynda) «E – qylmystyq is» formatynda isterdi tergeýdi bastaýǵa múmkindik berdi. Jaqyn arada tergeýdi elektrondy formatta taǵy 5 óńirde bastaý josparlanyp otyr. Nátıjesinde, bıylǵy 1 toqsanda elektrondy formatta 9 qylmystyq is tergeldi, olardyń altaýy sotqa jiberilgen, sonyń bireýi boıynsha aıyptaý úkimi shyqqan.
Tergeýdiń elektrondy formaty ınstıtýtyn keńeıtý maqsatynda, Sybaılas jemqorlyqqa qarsy qyzmettiń 2020-2022 jyldarǵa arnalǵan bıýdjetinde jobany odan ári kezeń-kezeńmen iske asyrýǵa qarajat kózdelgen.
Qoǵamnyń sıfrly tehnologııalar dáýirine kirýimen qylmystyq isterdi elektrondy formatta júrgizýdiń artyqshylyǵy aıqyn. Mundaı formatty paıdalaný, eń aldymen, qylmystyq isterdi tergeý prosesinde sybaılas jemqorlyq táýekelderin tómendetýge áser etedi, óıtkeni transparenttik pen ashyqtyq deńgeıin arttyrady, sondaı-aq aqparatty qorǵaý jónindegi tehnologııalardy paıdalanýdy eskere otyryp, qylmystyq iste qujattardy burmalaýǵa jáne aýystyrýǵa kedergi keltiredi.
О́z kezeginde, bul qylmystyq is júrgizýdi júzege asyratyn organdar qyzmetkerleriniń eseptiligin kúsheıtedi jáne tártiptilikti ornatady.
Sotqa deıingi tergep-tekserý elektrondy formatta memlekettik organdardyń aqparattyq bazalarymen ıntegrasııasyna baılanysty qylmystyq prosesti ońtaılandyrady, ýaqyt shyǵynyn qysqartady, ıaǵnı, elektrondyq qylmystyq is sheńberinde tergep-tekserýdi júrgizetin qyzmetkerlerge memlekettik organdardan adamdarǵa, múlikke jáne t. b. málimetterdi suraýdyń qajeti joq. Osynyń bárin tergeýshi kabınetten kirmeı-aq ıntegrasııalanǵan júıeler arqyly elektrondy túrde ala alady. Sondaı-aq bıýdjettik shyǵyndardy qysqartýǵa múmkindik beredi. Bul qylmystyq proseske qatysýshylar men qyzmetkerlerdiń qozǵalýyna, qaǵazdy jáne basqa da qajetti qarajatty paıdalanýdy qysqartýyna baılanysty.
Agenttik qaýipsizdik júıesiniń qazirgi zamanǵy tehnologııalaryn saqtaı otyryp, eldiń barlyq óńirlerinde «E-qylmystyq is» jobasyn engizý boıynsha belsendi jumys júrgizýdi jalǵastyrýda.
