Eki myńnan asa turǵyny bar aýylda 25 adamnan koronavırýstyq ınfeksııa anyqtalǵan. Olarmen jaqyn qarym- qatynasta bolǵan 119, janama qarym qatynasta bolǵan 12 turǵynnyń barlyǵy oqshaýlandyryldy.
Qarym-qatynasta bolǵandardyń 123-i úı baqylaýyna shyǵarylsa, 8-i stasıonarlyq baqylaýda. Test synamalary tekserilip jatyr.
Qazir eldi mekende qaýipsizdik sharalary kúsheıtilgen. Aýylǵa kireberiste tosqaýyl beketi qoıylyp, kirip-shyǵýǵa tyıym salynǵan.
Turǵyndardyń tek azyq-túlik, dári-dármek nemese medısınalyq kómek alý úshin úıden shyǵýyna ruqsat etiledi.
Oblys ákimi jaǵdaı turaqtalmaıynsha, qatań tártip saqtaý qajettigin eskertti. Kópshilik sharalardy ótkizýge tyıym saldy. Aýdan jáne aýyl ákimine karantın talaptarynyń oryndalýyn basty nazarda ustap, eldi mekenderdi der kezinde zalalsyzdandyrý, indettiń taralýyna jol bermeý qatań tapsyryldy.
