Osylaısha, ortalyqtyń kóshpeli zerthanalary respýblıkalyq mańyzy bar jol ýchaskelerine 1294 sapar jasady. Zerthanalyq jumystar júrgizilgen jol ýchaskeleriniń jalpy uzyndyǵy 27 myń shaqyrymnan asady. 3 aıdyń ishinde respýblıkalyq mańyzǵa ıe joldarda 582 nysan tekserildi. Tekseris jumystarynyń nátıjesinde nysandardyń talaptarǵa saı emes ekendigi anyqtaldy. Anyqtalǵan olqylyqtardyń sany – 1386. Osy rette merdiger uıymdarǵa 579 hat joldandy.
Sondaı-aq, 2020 jyldyń alǵashqy toqsanynda jergilikti avtomobıl joldarynyń 4500 shaqyrymy tekserilgen bolatyn. Zerthanalar mundaı joldarǵa 104 sapar jasap, 136 olqylyqty anyqtady.
Eske salaıyq, «Jol aktıvteriniń ulttyq sapa ortalyǵy» sharýashylyq júrgizý quqyǵyndaǵy respýblıkalyq memlekettik kásiporny Qazaqstan Respýblıkasy Úkimetiniń qaýlysy negizinde 2019 jyly 16 «OblJolZerthanany» RMM biriktirý arqyly qurylǵan bolatyn. Ony qurýdaǵy maqsat – joldardy salý, qaıta qurý, jóndeý jáne kútip-ustaý, sondaı-aq jol aktıvterin basqarý salasyndaǵy jumystar men materıaldardyń sapasyn saraptaý.
Aıta keteıik, óz jumysynyń alǵashqy jylynda Ortalyq jalpy paıdalanymdaǵy avtomobıl joldary men qurylys materıaldarynyń sapasyn saraptaý maqsatynda oryndalǵan jumystardyń aıasynda el joldaryna 8 myńnan astam sapardy júzege asyrdy. 5 myńnan astam olqylyq anyqtaldy, qurylys materıaldarynan 12 myńnan astam synama alynyp, synalǵan bolatyn.
Bıyl kásiporyn Qazaqstan joldarynyń sapasyn baqylaý sharalaryn kúsheıte túspek.
