Aqtaý qalasynda dezınfeksııany Áskerı-teńiz kúshteriniń áskerı qyzmetshileri júrgizýde.
«Áskerı-teńiz kúshteriniń jeke quramy qalalyq qyzmetterge jan-jaqty kómek kórsetýde. Qoǵamdyq jáne turǵyn úı nysandarynda dezınfeksııalyq jumystar júrgizilýde, - deıdi ár tekti kemeler jeke dıvızıonynyń komandıri, 3-dárejeli kapıtan Baýyrjan Muratuly. – О́z kúshimizben biz óz obektilerimizde, sonyń ishinde sý qorǵaý ámbebap júıesin paıdalanatyn áskerı-teńiz kúshteriniń kemelerinde dezınfeksııalyq jumystar júrgizemiz».
Jergilikti turǵyndar áskerı qyzmetshilerdiń mindetterine túsinistikpen qarap, olardyń jumystaryna rıza. Olar áskerı teńizshilerimizge osyndaı qıyn qystaý ýaqytta shaǵyn aýdanda dezınfeksııa jumystaryn júrgizgeni úshin alǵys bildirýde.
Qalalyq jáne turǵyn nysandarynan basqa arnaıy óńdeý jumystary Aqtaý garnızonynda ornalasqan áskerı bólimder men mekemelerdiń aýmaqtarynda da júrgiziledi. Jeke quramnyń qaýipsizdik sharalary baqylaý-ótkizý pýnktinde bastalady. Iаǵnı qyzmetke kelgen árbir adam medısınalyq tekserýden ótedi. Sonymen qatar medısınalyq maskalardy kııý men antıseptıkalyq zattardy paıdalaný mindetti.
Sanıtarlyq-gıgıenalyq sharalar Kaspıı teńiziniń qazaqstandyq sektorynda qyzmet atqaratyn áskerı kemelerde kúsheıtilgen. Barlyǵy muqııat dezınfeksııalanyp, irgeles aýmaqtar óńdeledi.
