Ekonomıka • 20 Sáýir, 2020

AHQO karantınge baılanysty kompanııalarǵa qosymsha ýaqyt berdi

170 ret

kórsetildi

1 mın

oqý úshin

Halyqaralyq qarjy ortalyǵynyń retteýshi AFSA AHQO naryǵyna qatysýshylardy qoldap, naryqtyń tutastyǵyn jáne qarjylyq turaqtylyqty qamtamasyz etý úshin birqatar maqsatty sharalardy usynyp otyr. Sharalar COVID-19 týyndaǵan erekshe jaǵdaılardy retteýge baǵyttalǵan. Bul naryqqa qatysýshy kompanııalarǵa osy kúrdeli kezeńde tutynýshylardy qoldaý men óz qyzmetin shoǵyrlandyrýǵa múmkindik beredi.

Elvıra SERIKQYZY

AHQO karantınge baılanysty kompanııalarǵa qosymsha ýaqyt berdi

AFSA qabyldaǵan shuǵyl qadamdardyń biri Qazaqstandaǵy tótenshe jaǵdaı aıaqtalǵannan keıin 30 kúntizbelik kúnde mindetti esep berý túrleriniń merzimin uzartý bolyp tabylady. Osyǵan oraı tolyq málimettermen retteýishtiń resmı saıtynda tanysýǵa bolady.

Retteýshi qalypty rejımde jumys isteıtinijáne qarjy naryǵyn qadaǵalaý boıynsha óziniń operasııalyq qyzmetin jalǵastyrýda. AFSA qyzmetkerleri qashyqtan jumys rejıminde isteı otyryp, AHQO qatysýshylary jáne qarjy qyzmetterin tutynýshylarmen kezdesýler men suranystardy ýaqtyly jáne tıimdi óńdeý qyzmetin usynady. AHQO-nyń barlyq qarjylyq qyzmetteri men platformalary naryqqa qatysýshylar úshin ashyq jáne qoljetimdi. Bul halyqaralyq AIX bırjasyna da qatysty.

AFSA sondaı-aq qarjy naryqtaryn, transshekaralyq operasııalardy tıimdi qadaǵalaýdy jáne COVID-19 yqpalyna qarsy sharalardy úılestirýdi qamtamasyz etý úshin ulttyq, sondaı-aq sheteldik retteýshimen jáne halyqaralyq uıymdarmen turaqty baılanys jasaıdy. AFSA COVID-19 pandemııasyna baılanysty yqtımal normatıvtik áreketterdi jáne IOSCO, IAIS, FinCoNet jáne t.b. alańdarynda tutynýshylardy qorǵaý sharalaryn talqylaýǵa belsendi qatysady.