«Adaldyq alańy» – ózara is-qımyldyń biregeı ortasy
Búgin «Adaldyq alańy» jobasy – memleket pen azamattyq qoǵamnyń ózara is-qımylynyń biregeı alańy. Osy joba aıasynda iske asyrylǵan memlekettik apparattyń ashyqtyǵy men eseptiligi turmystyq sybaılas jemqorlyqty joıý úshin jaǵdaı jasady. Agenttikpen parasattylyq ınfraqurylymyn qurý aıasynda 14 aımaqta «Antıkor» ortalyqtary ashyldy. «Antikor ortalygy» – barlyq adamdar ózderin mazalaǵan máseleler boıynsha quqyqtyq kómek pen keńester alatyn, sondaı-aq azamattyq bastamalar alańy.
Open space formatyna kóshý memlekettik organdardy transformasııalaý krıterııleriniń biri bolyp tabylady. Qazirgi ýaqytta elimizde jalpy 1107 memlekettik mekeme jańa formatta qyzmet etse, onyń 150-i aǵymdaǵy jyldyń birinshi toqsanynda aýysqan. О́tken kezeńde 97 memlekettik mekeme jurtshylyqpen jumystyń servıstik modeline kóship, 296 basshy birinshi qabattarǵa kóshirilgen.
Osy jyldyń basynan beri 2933 azamat jobalyq keńselerge júgingen. Olardyń 70% - y óz suraqtaryn oń sheshti.
Osylaısha, «Ertis – adaldyq alańy» jobalyq keńsesiniń kómegimen Pavlodar oblysynda kóp balaly otbasyna memlekettik turǵyn úı qorynan páter berý jáne fermerlik sharýashylyqty sýbsıdııalaý máselesi sheshildi.
«Qyzyljar – adaldyq alańy» jobalyq keńsesi densaýlyq saqtaý salasyndaǵy sybaılas jemqorlyqqa qarsy monıtorıng qorytyndysy boıynsha naýqastardy qymbat dári-dármekpen qamtamasyz etý máselesin oń sheship berdi.
Jobalyq keńselerdi jetekshi sarapshylar men qoǵamdyq pikir kóshbasshylary basqarady. Búgingi kúnde «Adaldyq alańy» keńseleri mınıstrlikterde ashylǵan, olardy QR Prezıdentiniń shtattan tys keńesshisi O. Qudaıbergenov, «Eýrazııalyq ınnovasııalardy damytý qory» QF negizin qalaýshy jáne dırektory B. Qasymov, «KAZGIýÝ» ýnıversıtetiniń basqarma tóraǵasy T.Nárikbaev jáne qoǵam qaıratkerleri A. Soloveva, A. Súleımenov, M.Qamzoldaev jáne M.Dýanbekov sııaqty óz salalaryndaǵy jetekshi sarapshylar basqarady.
Sybaılas jemqorlyqqa qarsy mádenıetti qalyptastyrý úshin qoǵamda túrli quraldar qoldanylady. О́ńirlik telearnalarda «Adaldyq alańy» arnaıy telebaǵdarlamalarynyń apta saıyn shyǵýy uıymdastyrylǵan.
Al óńirlik basylymdarda «Adaldyq alańy» arnaıy aıdarlar júrgiziledi.
Esepti kezeńde «Adaldyq alańy» jobasynyń sybaılas jemqorlyq quqyq buzýshylyqtar jasaýdyń aldyn alý boıynsha jumysy aıasynda basshy býyndaǵylardy qosqanda, 6,2 myńnan astam memlekettik qyzmetshi bas bostandyǵynan aıyrý oryndaryna baryp, ondaǵy tynys-tirshilikpen tanysty.
Tótenshe jaǵdaıdyń engizilýine baılanysty «Adaldyq alańy» jobalyq keńseleriniń qyzmeti qaıta jańǵyrdy.
Jobalyq keńselerdiń ókilderi júrgizilip jatqan jumys týraly halyqty onlaın habardar etýdi, sondaı-aq baǵa monıtorıngin júrgizýdi qolǵa aldy. Júrgizilgen jumys nátıjesinde birqatar óńirlerde azyq-túlik taýarlarynyń baǵasy 30-40%-ǵa tómendedi. Sondaı-aq, karantındik blok-beketterdiń turaqty onlaın-monıtorıngti qamtamasyz etý maqsatynda jobalyq keńsege Nur-Sultan jáne Almaty qalalaryndaǵy blok-beketter aýmaǵynda ornatylǵan beıne kameralarǵa ruqsat berilgenin atap ótý kerek.
Bul monıtorıngti qashyqtan júzege asyrýǵa jáne sol arqyly osy blok-beketterdegi sybaılas jemqorlyq táýekelderin barynsha joıýǵa múmkindik berdi.
