Aldaǵy ýaqytta da «Biz birgemiz» sharasy jalǵasady. Iаǵnı, aýyldarǵa turǵyndar suranysy boıynsha 50 tonna áleýmettik mańyzy bar azyq-túlikter: un, kúrish, qant, qaraqumyq, kúnbaǵys maıy, kartop, sábiz, jumyrtqa ákelindi.
Al, Maıqaıyń kentiniń turǵyny, «Gravelıt» JShS-nyń bas dırektory Tımýr Qabdolov 30 tonna kartop, 8,5 tonna sábizdi jetkizdi.
Kartoptyń kelisin 50 teńgeden, sábizdiń kelisi 70 teńgeden satyldy.
Jalpy, shara barysynda aýylda turatyn 17 áleýmettik az qamtamasyz etilgen otbasyǵa azyq-túlik, 188 myń teńge aqshalaı kómek kórsetildi.
Sonymen qatar Maıqaıyń kentinde 74, Baıanaýyl aýylynda 29 otbasyna kómir túsirilip berildi.
Sondaı-aq «Qamqorlyq» sharasy aıasynda aýdan ortalyǵy Baıanaýyl aýylynyń ákimi Rızabek Muqashev kópbalaly, az qamtylǵan otbasylarǵa demeýshilik esebinen áleýmettik mańyzy bar ónimderdi tabystady.
- Kásipkerlerge, demeýshi bolǵan azamattarǵa otbasylar alǵystaryn bildirýde. Elimizdegi Tótenshe jaǵdaı kezinde uıymshyldyq pen áleýmettik jaýapkershiliktiń mańyzy qashanda zor. #bizbirgemiz , - deıdi turǵyndar.
Osyndaı jumystar aýdannyń Uzynbulaq, Jańatilek, Qaratomar jáne Kúrkeli aýyldyq aýmaqtarynda da jalǵasty.
Aýdan eriktiler toby, sharýa qojalyqtary birlesip, kóp balaly jáne az qamtylǵan otbasylarǵa, jalǵyz basty zeınetkerler men múgedekterge azyq-túlik jıyntyqtaryn jetkizýde.
Pavlodar oblysy
