Sımfonııalyq orkestr ártisteri men ártúrli elderdiń oryndaýshylary skrıpka, vıolonchel, fortepıano, goboı, fleıta, fagot, valtorna, kontrabas jáne basqa da mýzykalyq aspaptarda ataqty áýendi oınady.
«Mýzykalyq arnaý jazbasyna bizdiń, Qyrǵyzstan, Ońtústik Koreıa, Úndistan, Nıderlandy, Ýkraına, Qytaı, Fransııa, Italııadaǵy mýzykant-dostarymyz qatysty», dep atap ótti elordalyq fılarmonııanyń mýzykanttary. Aksııany vıolonchelshi Gote German jáne onyń otbasy (Fransııa), fleıtashy Lı Zı-Eng (Ońtústik Koreıa), skrıpkashy Djıang Tı (Qytaı), klarnetshi Bahtııar Dooranov (Qyrǵyzstan), valtornashy Hans van der Zınden (Nıderlandy), kontrabasta oınaýshy Djıakomo Banella (Italııa), skrıpkashy jáne vıolonchelshi Rısý Vısak, qazaqstandyq otandasymyz Kenjegúl Akshekına (Úndistan), fagotıst Alekseı Emelıanov (Ýkraına), fagotıst Alekseı Emelıanov (Ýkraına) jáne taǵy basqalar qýana qoldady.
Osylaısha, mýzykanttar naýqastar palatasynda uıqysyz túnder ótkizip, kúni-túni aýyr aýyrtpalyqty kóterip, COVID 19-ben kúreste aldyńǵy qatarda turǵan barlyq azamattarǵa úlken alǵystaryn bildirip, «Biz birgemiz!» biregeı naýqanynyń qatysýshylary: «Sizdiń eńbegińiz baǵa jetpes», dep ún qosty.
Beınejazba ártisterdiń dárigerler qurmetine ár tilde jazylǵan shynaıy sózderiniń arqasynda erekshe áserli bolǵandyqtan, pandemııamen jalpy kúres túrli ult adamdaryn biriktirdi. Osy bir qıyn kezeńde tek bir-birine degen súıispenshilik pen kómek berý arqyly ǵana jeńiske jetýge bolady – bul álem mýzykanttarynyń basty sálemi.
