Sońǵy táýlik ishinde 500-ge jýyq mekeme men oıyn-saýyq orny tekserilip, quqyq buzýshylyqtyń 71 faktisi belgili bolǵan.
Qyzylorda oblysynyń mamandandyrylǵan ákimshilik soty 414 ákimshilik is qarap, 213 adamǵa aıyppul salynsa, 149 turǵyn ákimshilik qamaýǵa alynyp, 51 eskertý berildi.
Eki márte ákimshilik jazaǵa tartylǵandardyń bılik ókilderine baǵynbaı, dórekilik tanytqany anyqtalǵan.
Máselen, 13 sáýir kúni Qyzylorda qalalyq Polısııa basqarmasynyń ǵımaratynda sottyń qaralýyn kútip otyrǵan azamattardyń biri qyzmettik mindetin atqaryp turǵan polısııa qyzmetkeriniń eskertýin elemeı, til tıgizip, balaǵattaǵan. Dál osyndaı oqıǵa Jalaǵash aýdanynda da oryn alǵan.
Qazir bul derekter boıynsha Qazaqstan Respýblıkasy Qylmystyq kodeksiniń 378-baby boıynsha sotqa deıingi tergep – tekserý amaldary júrgizilýde. Kúdiktilerge qatysty eshqaıda ketpeý týraly qolhat túrindegi bultartpaý sharasy qoldanyldy.
