BAQYLAÝ BAIYPTY BOLMAQ

“Nur Otan” halyqtyq-demokratııalyq partııasynyń Ortalyq apparatynda Batys Eýropa – Batys Qytaı halyqaralyq tranzıttik dálizi jobasyn júzege asyrýǵa partııalyq baqylaý júrgizý jónindegi saraptamalyq toptyń otyrysy bolyp ótti. Memleket qarajatynyń du­rys jumsalýyn baqylaý jónin­degi bul toptyń quramyna Par­lament de­pýtattary, Májilistegi “Nur Ot­an” HDP fraksııasynyń múshe­le­ri, sondaı-aq birqatar memlekettik organdar men úki­mettik emes uı­ym­dardyń ókilderi kiredi. Atalǵan toptyń jetekshisi bolyp partııa­nyń el úkimetindegi resmı ókili Vla­dımır Dvoreskıı taǵaıyndaldy. Basqosýǵa qatysqan top mú­she­leriniń aıtýyna qaraǵanda, qa­zirgi tańda jergilikti jerlerde tu­raqty qoǵamdyq baqylaýdy qam­ta­masyz etý úshin, buǵan qosa, Aq­tóbe, Almaty, Jambyl, Qyzyl­or­da jáne Ońtústik Qazaqstan ob­lystarynda jobanyń júzege asy­rylýy barysy týraly aǵymdaǵy sharalardy ázirleý úshin bılik par­tııasynyń aımaqtyq fılıal­dary janynan aýmaqtyq qoǵam­dyq komıssııalar, al qurylys ny­sandarynda partııalyq ba­qy­laý beketteri qurylmaq. Sondaı-aq komıssııa monıtorıngi bary­synda memlekettik qarajattyń tıimdi jumsalýyn qamtamasyz etý, tabıǵatty paıdalaný týraly zańnamanyń saqtalýy, qorshaǵan ortany qorǵaý, jergilikti halyqty jumyspen qamtý jáne jobany iske asyrý kezinde anyqtalǵan túıtkildi máselelerdi ońtaı­landyrý boıynsha usynystar jan-jaqty qaralady. Láıla EDILQYZY.