Biz Qulsary qalasynda turamyz. Otbasymyzdaǵy tórt balanyń ekeýi – eresek, ekeýi mektepte oqıdy. Servıstik qyzmet kórsetetin otbasylyq jeke kásipkerligimiz bar. Oǵan kúıeýim basshylyq jasap, ózim sonda jumys istedim.
Qaýipti indettiń taralýyna oraı kásibimizdi toqtatýǵa týra keldi. Shyndyǵynda jumyssyz ári tabyssyz qalyp, ne isterimizdi bilmedik. Osyndaı sátte memlekettiń biz sekildi jandarǵa qoldaý kórsetip jatqanyn estip, kúıeýimiz ekeýmiz de 42 500 teńgeniń áleýmettik tólemin alýǵa ótinish berdik. Úsh kúnnen keıin árqaısymyzdyń jeke esepshotymyzǵa áleýmettik tólem qarjysy tústi.
Bul – jumyssyz qalǵandarǵa kórsetilgen qarjylaı demeý. Mundaı kómekti beıresmı jumys istegender de, bala kútimimen otyrǵan analar da, tipti tótenshe jaǵdaı engizilgenge deıin jumys istegen stýdentter de alýyna bolady eken. Bizdiń memlekettiń qıyn kezde eshkimdi eleýsiz qaldyrmaǵany qýantady.
Lázzat QULYMBAEVA,
kóp balaly ana
Atyraý oblysy,
Jylyoı aýdany
