Aımaqtar • 21 Sáýir, 2020

Qyzylorda: Taǵy 2 turǵynnan vırýs tabyldy

172 ret

kórsetildi

1 mın

oqý úshin

О́tken táýlikte Qyzylordada vırýsqa shaldyqqandar qataryna taǵy 2 adam qosylyp, naýqastar sany 151-ge jetti. Bul týraly búgin óńirlik kommýnıkasııalar qyzmetinde oblystyq densaýlyq saqtaý basqarmasynyń basshysy Jaqsylyq Ábdisámetov habarlap, jańadan anyqtalǵandar jaıly keńinen málimet berdi.

Murat JETPISBAEV

Qyzylorda: Taǵy 2 turǵynnan vırýs tabyldy

-Bul eki naýqas Qyzylorda qalasy men Syrdarııa aýdanyndaǵy Amankeldi aýylynan tirkelip otyr. Qalalyq turǵynnan dári-dármekke allergııa berip, «Jedel járdemmen» aýrýhanaǵa jetkizilgen soń anyqtalǵan, al aýyldaǵy naýqas sondaǵy dárigerlik ambýlatorııanyń tehnıkalyq qyzmetkeri bolyp shyqty. Qazir ekeýi de aýrýhanaǵa jatqyzylyp, olarmen baılanysta bolǵandar oqshaýlandy, dedi oblystyń bas dárigeri.

Basqarma basshysynyń aıtýynsha ótken táýliktiń ózinde 939 turǵynnan test synamasy alynyp, onyń 361-i teris nátıje kórsetken. Eki adamnan vırýs tabylsa, qalǵan 576 test zerttelýde.

Jaqsylyq Ábilqasymuly qazir aýrýdy erte anyqtaý úshin pnevmonııa men jedel respıratorly vırýstyq ınfeksııamen túsken naýqastar jiti tekserilip jatqanyn da aıtyp ótti.