Qazaqstan • 21 Sáýir, 2020

Nazarbaev Zııatkerlik mektebiniń oqýshysy álemniń 8 ýnıversıtetinen shaqyrtý aldy

840 ret

kórsetildi

1 mın

oqý úshin

Almaty qalasy fızıka-matematıka baǵytyndaǵy Nazarbaev Zııatkerlik mektebiniń 12-synyp oqýshysy Aıajan Álıhan álemdik 8 ýnıversıtetten shaqyrtý aldy. Qazaqstannyń úzdik oqýshysyna birden usynys joldaǵan álemniń 100 álemdik úzdik ýnıversıtetteriniń qatarynda Northwestern University (Doha, Qatar), Yonsei University (Seoul, SK), Yale-NUS College (Singapore), Koc University (Istanbul, TR), Fordham University (NY), Pace University (NY), Northwestern University (Chicago, IL), University of Miami (Miami, FL) bar. Tizimdegi joǵary oqý ornyndarynyń tórteýi tolyq grant, qalǵany jartylaı grant usynyp otyr.

Elvıra SERIKQYZY

Nazarbaev Zııatkerlik mektebiniń oqýshysy álemniń 8 ýnıversıtetinen shaqyrtý aldy

Aıajan Álıhan mektepte jobalyq jumyspen aınalysady. Medısına men ekologııadan ótken respýblıkalyq konkýrstardyń, Sankt-Peterbor pen Parıjde ótken halyqaralyq konferensııalardyń júldegeri. «Youth for Understanding» amerıkalyq kommersııalyq emes uıymynda taǵylymdamadan ótken. «Envision Scholars» tanymal jazǵy almasý baǵdarlamasynyń qatysýshysy. Akademııalyq jetistikteri úshin mektep atynan 2018 jyly Kolýmbııa ýnıversıtetiniń jazǵy baǵdarlamasyna da usynylǵan.

Aıajan Álıhan mekteptiń jáne Almaty qalasynyń qoǵamdyq ómirine de belsene aralasady. BUU modeli klýbynyń (MUN club) negizin qalaýshylardyń biri. «Eriktiler lıgasy» men «Recycle Birge» áleýmettik qoǵamdyq qozǵalysynda volonterlik tájirıbesi bar. Sondaı-aq, «International Global Network» jastardy damytý uıymynyń belsendi múshesi retinde Malaızııanyń astanasy Kýala-Lýmpýr men Germanııanyń Nıýrnberg qalasynda ótken halyqaralyq konferensııalarǵa qatysýǵa múmkindik alǵan.

ALMATY