Eńbekti álem balalarynyń súıikti keıipkerine aınalǵan Grýffalony sýrettegen Aksel Sheffler jáne Anglııanyń juqpaly aýrý kafedrasynyń mamandary Nosy Crow baspasynda ázirlep shyǵardy. Al kitaptyń qazaqsha nusqasyn qurastyrǵan Raısa Saıran Qadyr bolsa, aǵylshyn tilinen Nazgúl Qojabek aýdarǵan. Kitapty Steppe and World baspasy tegin aýdarýǵa yqpal etip, balalarǵa tegin taratyp otyr.
Kitapta koronavırýs jaıyndaǵy aqparattar balalarǵa túsinikti tilmen berilgen. Onda vırýstan qalaı qorǵaný kerek, úıden shyqpaı otyrǵannyń mańyzdy ekeni, úıde otyrǵanda jabyǵyp, muńaımaýy úshin jeńil tilde baıandalady.
Buǵan deıin «Steppe & WORLD Publishing» baspasy balalarǵa arnalǵan Jýlııa Donaldsonnyń «Aqyn Qoıan», «Grýffalo», Erık Karldyń «Qomaǵaı Juldyzqurt», sondaı-aq «Anna Franktiń kúndeligi» sekildi kitaptardy qazaq tiline aýdaryp, shyǵarǵan. 2020 jyly baspa Joan Roýlıńtiń «Hárrı Potter men pálsapa tas» kitabyn usyndy. Aldaǵy ýaqytta «Hárrı Potter» serııasyna kiretin kitaptar oqyrmanǵa jol tartatyn bolady.
ALMATY
