Sanjar Jambyl oblysy, Shý aýdany, Jańa jol aýylynda týyp, Baýyrjan Momyshuly atyndaǵy orta mektepte bilim alǵan. Osy mektepte anasy men ápkesi muǵalim bolyp qyzmet etedi. Karantın engizilip, qashyqtyqtan oqytý rejımine aýysqannan keıin muǵalimder men oqýshylar qıyndyqtarǵa tap bola bastady. Muǵalimder úshin qashyqtyqtan oqytý jańa, úırenshiksiz jaǵdaı edi. О́ıtkeni ınternet júıelerin qalaı paıdalaný kerektigin, oqý materıaldaryn qaıda ornalastyryp, kýrstardy qalaı qurýdy olardyń kópshiligi bile bermeıdi.
Mektepke kómektesý úshin Sanjar domen satyp alyp, hostıng aqysyn tólep, ip oqýshylarǵa arnalǵan http://do-school.kz/ bilim berý portalyn iske qosty. Saıtty ázirleý úshin ol Moodle platformasyn qoldanyp, muǵalimderge arnap saıtpen jumys isteý týraly beınejazba jasady.
IT quraldarymen jumys isteýge mektep muǵalimderiniń bári birdeı daıyn emes, sondyqtan olar WhatsApp pen áleýmettik jelilerdi qoldanýdy jalǵastyrýda. Qazirgi ýaqytta do-school.kz saıtynda 672 qoldanýshy tirkelgen. Olardyń ishinde 150 adam saıtty paıdalanady, al paıdalanýshylar sany birtindep ósýde.
Saıtty ázirleý úshin Sanjardyń bir apta ýaqyty ketti. Bul qadamyna oǵan Sátbaev ýnıversıtetinde «Aqparattyq júıeler» mamandyǵy boıynsha 3-kýrsta alǵan biliminiń kóp kómegi tıdi.
«Men veb-saıttardy ázirleýmen kópten beri aınalysyp kelemin, veb-saıt qurý maǵan qıyn bolǵan joq. Mamandyq tańdaıtyn ýaqyt kelgende, kóp oılanbastan ózime unaıtyn ispen aınalyssam dep sheshtim de, baǵdarlamalaý mamandyǵyn tańdadym. Al Sátbaev ýnıversıteti – Qazaqstandaǵy eń damyǵan aldyńǵy qatarly tehnıkalyq ýnıversıtet bolǵandyqtan, meniń tańdaýym osyǵan toqtady. Oqýdyń alǵashqy kúnderinen bastap-aq men oqytýshylardyń kásipqoı maman ekendigine nazar aýdardym. Menimen birge oqıtyn stýdentter de daryndy, ári óte bilimdi bolyp shyqty. Oqý óte qıyn, sondyqtan ózim kóp daıyndalamyn, óıtkeni men jaqsy baǵdarlamashy, óz isimniń mamany bolǵym keledi. Qashyqtyqtan oqytý rejımine aýysý ýnıversıtet úshin esh qıyndyq týdyrǵan joq. Biz tipti aıyrmashylyqty sezbedik te. Únemi toppen, oqytýshylarmen, edvaızermen baılanysta bolamyz. Olar bizdiń oqýymyzdy baqylap, qoldaý kórsetedi. Sabaqtar keste boıynsha naqty ýaqyt ishinde ótedi, aldymen oqytýshynyń dárisi, sodan keıin pikirtalas túrinde ótkiziledi. Polytech online.kz portalyndaǵy topta suraqtar qoıyp, bir-birimizben pikir almasamyz, keıde ázildesemiz. Sonymen qatar biz GitLab, Telegram, Discord portaldaryn da qoldanamyz» deıdi Sanjar.
Sanjardyń ózi de qashyqtan bilim alyp júr. Ýnıversıtette oqýmen qatar, ol osy joǵary oqý ornynda operator bolyp jumys isteıdi. Sátbaev ýnıversıtetiniń onlaın kýrstaryna arnalǵan beınejazbalardy jasaıdy. Sondyqtan ol ýnıversıtettiń qashyqtyqtan bilim berý formatyn avtor retinde de, qoldanýshy retinde de baǵalaı alady. Karantın kezeńinde respýblıkanyń barlyq ýnıversıtetteri men mektepteri qashyqtyqtan oqytý rejımine aýysty. Sanjardyń tapqyrlyǵynyń arqasynda aýyl balalary jańa toqsannyń birinshi kúninen bastap sabaqqa kirisip ketti. Ýnıversıtet qabyrǵasynda alǵan bilimderi men tájirıbesin ómirde qoldanyp, daryndylyq tanytqany úshin Sátbaev ýnıversıtetiniń oqytýshylary óz stýdentin maqtan tutady.
ALMATY
