Jarystyń ataýynan baıqaǵanyńyzdaı, aıtýly jarys 29 jastaǵy Norvegııanyń ataqty shahmatshysy Magnýs Karlsenniń qurmetine ótýde. Nebary13 jasynda grossmeıster dárejesine jetken Skandınavııa túbeginiń túlegi odan keıin de talaı belesterdi baǵyndyrdy. 2013 jyly ol reseılik Vladımır Kramnıkten aılasyn asyryp, álem chempıony atandy. Sol kezden beri ol altyn táj úshin tartysta eshkimge ese jibergen joq.
Ekinshi týrda Magnýs Karlsen ırandyq Álıreza Fırýdjıden 2,5:1,5 esebimen basym tústi. AQSh ókili Hıkarý Nakamýra men nıderlandtyq Anısha Gırı arasyndaǵy báseke dál sondaı eseppen alǵashqysynyń paıdasyna sheshildi.
Esterińizge sala keteıik, alǵashqy týrda Magnýs Karlsen amerıkalyq Hıkarý Nakamýramen teń oınap, armageddonda shvedtiń baǵy jandy. Esep- 3:2. Kelesi básekede qytaılyq Dın Lıjen ırandyq Álıreza Fırýdjadan aılasyn asyrdy. Bul matchta 2,5:1,5 esebi tirkeldi.
