Psıholog mamandar zararsyzdandyrý jumystaryna, blok-beketterge jáne qala kóshelerin patrýldeýge tartylǵan áskerı qyzmetshilerge shuǵyl-psıhologııalyq kómek kórsetýde. Tótenshe jaǵdaıda ár áskerı qyzmetshiniń psıhologııalyq jaı-kúıi psıhologtar tarapynan turaqty qadaǵalaýdy jáne zerdeleýdi qajet etedi.
«Sol sebepti trenıngter men tereń tynys alý jattyǵýlary, jeke áńgimelesý adamnyń qalypty ómirge qaıta kelýine yqpal etedi. Sondaı-aq, atalǵan trenıngter tipti psıholog mamany joq kezde de áskerı qyzmetshilerdiń ózara bir-birine psıhologııalyq kómek, moraldyq qoldaý kórsetýine septigi zor», - dep atap ótti Radıoelektronıka jáne baılanys áskerı-ınjenerlik ınstıtýty psıhologııalyq qyzmet kórsetý qyzmetiniń bastyǵy podpolkovnık Sandýǵash Dáýrenbekova.
Instıtýttyń baspasóz qyzmetiniń málimeti boıynsha, mamandar zararsyzdandyrý jumystaryna shyǵar aldynda moraldyq-psıhologııalyq turaqtylyǵyn anyqtap, olardy irikteý maqsatynda ekspress-testileý arqyly psıhodıagnostıkalyq jumys júrgiziledi. Odan keıin art-terapııa ádisi arqyly (sýret salý, plastılınnen beıne salý arqyly) jeke quramnyń ishki sezimi men kóńil-kúıi anyqtalady. Oǵan qosymsha psıhologııalyq áńgimelesý, adamnyń fızıkalyq jáne fızıologııalyq jaı-kúıin retteýge baǵyttalǵan tynys alý jattyǵýlary jasalady. Zararsyzdandyrý jumystarynan qaıtyp kelgennen keıin de psıhologııalyq áńgimelesý júrgizilip, relaksasııalyq trenıngter ótkiziledi.
ALMATY
