Úzdikterdi anyqtaýda basty bes kórsetkish negizge alyndy. Olar – ár komanda sapyndaǵy oıynshylardyń transferlik quny, materıaldyq aktıvteri, qarjylyq jaǵdaılary, klýb qojaıyndarynyń áleýetti ınvestısııalary jáne taza qaryzdary.
Joǵarydaǵy jaıttardyń barlyǵyn eskere kele, sarapshylar Fransııa chempıonatynda óner kórsetip júrgen «Parı-Sen-Jermendi» (PSJ) eń úzdik dep tapty. Osydan týra jarty ǵasyr buryn irgetasy qalanǵan komandanyń qazirgi qojaıyny – 47 jastaǵy katarlyq bıznesmen Nasser Ganım al-Helaıfı. Parıjdikter sońǵy jeti jylda alty ret el birinishiliginde bas júldeni oljalady. Tek 2016/17 jylǵy maýsymda «Monakodan» qalyp qoıyp, kúmis medaldi qanaǵat tutqan edi.
Sondaı-aq, qarjylyq jaǵdaıy eń turaqty 10 komandanyń qatarynda mynalar bar: «Manchester Sıtı» (Anglııa), «Bavarııa» (Germanııa), «Tottenhem» (Anglııa), «Real» (Madrıd, Ispanııa), «Arsenal» (Anglııa), «Chelsı» (Anglııa), «Lıverpýl» (Anglııa), «Iýventýs» (Italııa) jáne «Borýssııa» (Dortmýnd, Germanııa).
