Zań jobalarynyń negizgi maqsattary azamattardyń beıbit jáne qarýsyz jınalýǵa, jınalystar, mıtıngiler men demonstrasııalar, sherýler men ereýilder ótkizýge konstıtýsııalyq quqyqtaryn iske asyrý, sondaı-aq Memleket basshysynyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn iske asyrý bolyp tabylady.
Zań jobalary Parlament Senatynda tirkelgennen keıin qorytyndy daıyndaý úshin Parlament Senaty Apparatynyń komıtetteri men bólimderine jiberildi.
Konstıtýsııalyq zańnama, sot júıesi jáne quqyq qorǵaý organdary komıteti jobaǵa bas komıtet boldy jáne Senat depýtaty Sársenbaı Eńsegenov jaýapty bolyp belgilendi. Depýtatqa barlyq materıaldar, onyń ishinde qoǵamdyq uıymdar men Qazaqstan Respýblıkasy azamattarynyń ótinishteri de berildi.
Bıylǵy 17 sáýirde zań jobasyn ázirleýshilerdiń qatysýymen jumys tobynyń alǵashqy otyrysy boldy.
Qazirgi kezde jumys tobynyń otyrystaryn ótkizý josparlanyp otyr, oǵan barlyq múddeli tulǵalar men uıymdar beınekonferensııa (Zoom) arqyly qatysý múmkindigi bar.
Bas komıtettiń tóraǵasy Vladımır Volkov sonymen qatar EQYU baǵdarlamalar Keńsesiniń Basshysy Elshi D.Sabomen telefon arqyly sóılesti. V.Volkov Eýropadaǵy qaýipsizdik jáne yntymaqtastyq uıymynyń baǵdarlamalar Keńsesiniń Basshysymen beıbit jınalystar ótkizý jónindegi halyqaralyq tájirıbeni talqylady.
