Tikeleı efırde búgingi kóktemgi aýylsharýashylyq salasyndaǵy maýsymdyq jumystarǵa baılanysty eginshilik, ósimdik qorǵaý, mal sharýashylyǵy, veterınarııa, jer, sý, orman resýrstary, agrobıznes t.b. suraqtar boıynsha ózekti máseleler qaraldy.
Ýnıversıettiń baspasóz qyzmetiniń deregi boıynsha, týyndaǵan suraqtarǵa jaýap berý úshin onlaın konferensııaǵa menimen birge ýnıversıtettiń 25 eksperti qatysyp, tikeleı efırdegi konferensııa jumysyn ýnıversıtettiń Ǵylymı jumystar jáne ınnovasııalar jónindegi prorektory Qaısar Tabynov júrgizdi.
Onlaın konferensııa barysynda negizinen beınesuraqtar berildi. Almaty oblysynyń fermeri Tilektes Ahmetov joldaǵan qýańshylyq kezinde bıdaı men arpanyń ónimdiligin arttyratyn tehnologııalar týraly suraqqa aýylsharýashylyǵy ǵylymdarynyń doktory, professor, QR UǴA korrespondent-múshesi, Agronomııa kafedrasynyń meńgerýshisi Serik Kenenbaev jaýap berdi. Serik Barmenbekuly sondaı-aq, Jambyl oblysynyń «Shymyrbaı» sharýa qojalyǵynyń jetekshisi Shymyrbaı Ábdibekten kelgen jońyshqanyń qurty týraly beınesuraqqa tushymdy jaýap berdi.
Almaty oblysynyń «Baıanbaı» sharýa qojalyǵynyń jetekshisi Mereke Maldyǵulov qoıǵan maı burshaq ónimdiligin arttyrý týraly beınesuraqqa aýylsharýashylyǵy ǵylymdarynyń doktory, Agronomııa kafedrasynyń professory Tastanbek Ataqulov jaýap berdi.
Soltústik Qazaqstan oblysynyń Veterınarııa basqarmasynyń basshysy Berik Áljanovtyń iri qara malda kezdesetin brýsellez aýrýynyń aldyn alý men emdeý sharalaryna ǵylymı, tájirıbelik qoldaý kórstetý máselesi boıynsha suraǵyna jáne Shyǵys Qazaqstan oblysy Veterınarııalyq dárigerleri qoǵamdyq birlestiginiń tóraǵasy Esengeldi Bakımbaevtyń brýsellez vaksınasyna qatysty joldaǵan suraǵyna veterınarııa ǵylymdarynyń doktory, Bıologııalyq qaýipsizdik kafedrasynyń professory Nurlan Ahmedsadyqov jaýap berdi.
Nurlan Ahmedsadyqov sonymen qatar, Almaty oblysynyń «Sarǵaldaqov» sharýa qojalyǵynyń jetekshisi Sanjar Sádýaqasov joldaǵan tórt túlik mal tólderiniń as qorytý aýrýlaryn aldyn alý jáne emdeý is-sharalary týraly, osy aýrýlarǵa qarsy ýnıversıtet ǵalymdarynyń jasaǵan preparattary týraly eki birdeı beınesuraqqa jaýap berdi.
Bıologııa ǵylymdarynyń doktory, Taǵam ónimderiniń tehnologııasy jáne qaýipsizdigi kafedrasynyń professory Ásııa Serikbaeva bul suraqty qosymsha qamtyp, tehnologııalyq máseleleri boıynsha tolyqtyra tústi.
Sonymen qatar, tikeleı efırde Mańǵystaý oblysyndaǵy «Kaspıı» aýylsharýashylyq óndiristik kooperatıviniń tóraǵasy Turar Júnisovtyń qus sharýashylyǵyn sýbsıdııalaý jáne damytý týraly suraǵyna jáne Almaty oblysyndaǵy «TúrgenEkoProdýkt» seriktestiginiń dırektory Sergeı Stepanenkonyń baqsha jáne ara sharýashylyǵyn sýbsıdııalaýǵa qatysty suraǵyna ekonomıka ǵylymdarynyń doktory, QazUAÝ Bas ǵalym hatshysy Úkilaı Kerimova jaýap berdi.
Osy suraqtyń ekinshi bóligine jáne Mańǵystaý oblysynyń aýyl kásipkeri Ábilseıit Jamalbekovtyń Broıler qus zaýytyna veterınar keńesshi tartý týraly suraqtarǵa aýylsharýashylyǵy ǵylymdarynyń doktory, professor, Ara, qus jáne balyq sharýashylyǵy kafedrasynyń meńgerýshisi Shohan Álpeıisov jaýap berdi.
Qyzylorda oblysynyń «Rahman» sharýa qojalyǵynyń ókili Aıjan Saparovanyń ýnıversıtet ǵalymdary jasaǵan dezınfeksııalyq preparat týraly saýalyna veterınarııa ǵylymdarynyń kandıdaty, Veterınarııalyq sanıtarlyq saraptama jáne gıgıena kafedrasynyń qaýymdastyrylǵan professory Baqyt Barahov jaýap berdi.
Jambyl oblysynyń aýyl kásipkeri О́rikbaı Shójebaev joldaǵan beınesuraq mal ónimderiniń sapasyn anyqtaıtyn zerthana jáne mal soıý ornyn ashý máselesine qatysty boldy. Bul suraqqa veterınarııa ǵylymdarynyń kandıdaty, Veterınarııalyq sanıtarlyq saraptama jáne gıgıena kafedrasynyń qaýymdastyrylǵan professory Aqylbek Jumageldıev jaýap berdi.
Onlaın konferensııa barysynda QazUAÝ Qazaqstan-Belarýs agroınjenerlik ınnovasııalyq ortalyǵy men ýnıversıtetimizdiń oqý-tájirıbelik sharýashylyǵynda iske asyrylyp otyrǵan kóktemgi egis jumystary týraly arnaıy beınetúsirilim kórsetildi. Bıylǵy jyly bul ortalyqqa ınvestısııalyq joba arqyly 75 birlik jańa úlgidegi aýyl sharýashylyq tehnıkalary men qondyrǵylary ákelindi. Sonyń 22-si qazirgi kezde kóktemgi egis jumystarynda paıdalanýda.
Qazirgi kezde ýnıversıtet stýdentteri qashyqtyqtan bilim alýmen qatar óz aýyldaryndaǵy kóktemgi egis jáne mal sharýashylyqtarynda óndiristik tájirıbeden ótýde.
Ár aptanyń seısenbi, juma kúnderi saǵat 17:00-de bizdiń tikeleı efır myna silteme boıynsha júrgiziledi:
ALMATY
