Qaladaǵy tártip saqshylary azamattardyń densaýlyǵyna alańdaı otyryp, kúni men túni jumys barysynda júr. Olar turǵyndardy TJ tártibin buzbaýǵa shaqyryp álek. О́kinishke qaraı, eldegi ahýalǵa qaramastan, qaýipsizdik sharalaryn buzyp, quqyqtyq tártipke baǵynbaıtyndar jetkilikti. Osy oraıda Arnaıy jáne mobıldi oqytý basqarmasynyń aǵa ınspektory, polısııa maıory Erkebulan Korbozov qalalyqtarǵa «Úıde otyryp kúteıik» óleńin arnap, TJ tártibin saqtaýdy osyndaı óleń joldarymen jetkizdi.
«Men qolym bosta shyǵarǵan óleńniń kómegimen azamattardyń sanasyn oıatqym keldi: Jaǵdaıdyń qaýipti ekenin túsinýge shaqyrdym. О́leń bir saǵatqa jýyq ýaqytta dúnıege keldi. Búginde polısııa qyzmetkerleri kózge kórinbeıtin jaý – koronavırýs ınfeksııasyna qarsy kúreste aldyńǵy qatarda. Biz qalada engizilgen karantındi elemeý jáne sanıtarlyq-epıdemıologııalyq normalardy saqtamaý qanshalyqty qaýipti ekenin tájirıbeden bilemiz», - deıdi polısııa maıory.
Almaty qalasy IID baspasóz qyzmetiniń málimetinshe, E.Korbozov ishki ister organdarynda 2007 jyldan beri qyzmet etip keledi. Alǵashqy mamandyǵy – muǵalim. Polısııada qyzmet etkenge deıin 5 jyldaı jalpy bilim beretin mektepte qazaq tili men ádebıeti páninen sabaq bergen.
ALMATY
