Este bolsa, 19 naýryz kúni aty jaman tumaýmen kúresip jatqan almatylyq dárigerlerge onlaın-dáris ótý úshin aspan asty eliniń bilikti 10 dárigeri kelgen bolatyn. Bas-aıaǵy 4-5 kúnniń aınalasynda qytaılyq mamandar 700- den astam sabaq ótkizip, tájirıbelerimen bólisken. Álem halqyn alańdatqan qaýipti indetpen kúreste kúsh biriktirý mańyzdy degen shahar basshysy sheteldik mamandarǵa alǵys bildirip, birqatar máseleni saralady.
«Almatyǵa QHR-dan kelgen dárigerler delegasııasymen koronavırýspen kúres boıynsha tájirıbe almasý máselelerin talqyladyq. Sonyń ishinde jappaı testileý, qaýipti indettiń aldyn alý, emdeý jáne naýqastardy ońaltý, medısına qyzmetkerlerin daıarlaý ári oqytý jaǵy pysyqtaldy», – dep jazdy ákim óziniń Twitter-degi paraqshasynda.
