Bul aldymen koronavırýsqa qatysty aqparattar bolyp otyr. Álemdik densaýlyq salasyn qadaǵalaıtyn mekemeniń osy aýrýdy emdeýge qatysty oılaryna qarsy keletin ári medısınalyq turǵydan shyndyqqa saı kelmeıtin kez-kelgen materıal zań buzýshylyq bolyp esepteledi jáne ol serverden alynyp tastalynatyn boldy. YouTube bas dırektory Sıýzan Voısıskıdiń CNN telearnasyna bergen suhbatynda senimdi rastalǵan aqparat qana jarııalanýy qajet delingen.
Onyń aıtýynsha, «Qastandyq teorııasyna» senetin kóptegen adamdar COVID-19 vırýsyna qatysty adamdardy adastyratyn materıaldar salyp jatyr eken. Mysaly, Brıtanııa men Nıderlandta adam densaýlyǵyna óte zııan jáne ol koronavırýs týdyrady dep ondaǵan 5G stansalaryn órtep jibergen.
Biraq bul tıymdy YouTube paıdalanýshylarynyń barlyǵy bul oıdy qoldaı qoımaıdy jáne bul áreketti naǵyz senzýra dep tanıtyndyqtaryn da aıtýda.
