Senatta Murat Baqtııarulynyń tóraǵalyq etýimen Áleýmettik-mádenı damý jáne ǵylym komıtetiniń keńeıtilgen otyrysy boldy. Onda «Ardagerler týraly», «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» (birinshi oqylym), «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister engizý týraly» (birinshi oqylym), «Qazaqstan Respýblıkasynyń keıbir zańnamalyq aktilerine kóshi-qon prosesterin retteý máseleleri boıynsha ózgerister men tolyqtyrýlar engizý týraly» zań jobalary qaraldy.
Kún tártibindegi birinshi másele boıynsha «Ardagerler týraly» zań jobasy talqylandy. Onyń mindeti Uly Otan soǵysynyń ardagerlerine, jeńildikter boıynsha olarǵa teńestirilgen adamdarǵa, basqa memleketterdiń aýmaǵyndaǵy urys qımyldarynyń ardagerlerine, eńbek ardagerlerine, sondaı-aq zańnyń kúshi qoldanylatyn basqa da adamdarǵa memleket usynatyn áleýmettik-quqyqtyq kepildikterdi kúsheıtý jáne áleýmettik qoldaý sharalaryn shoǵyrlandyrý bolyp tabylady. Sonymen qatar, qoldanystaǵy zańnamadan aıyrmashylyǵy, zań jobasy basqa memleketterdiń aýmaqtaryndaǵy soǵys qımyldarynyń ardagerlerine jáne eńbek ardagerlerine de qoldanylatyn bolady.
Depýtattar komıtettiń keńeıtilgen otyrysynda «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qarady. Ardagerlerdiń jańadan engiziletin sanattary úshin arnaıy memlekettik járdemaqy belgileý jáne tıisti tólemder belgilengen adamdarǵa arnalǵan arnaıy memlekettik járdemaqy mólsherin ulǵaıtý zań jobasynyń mindetteri bolyp tabylady.
Senatorlar sonymen qatar «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister engizý týraly» zań jobasyn da qarady. Zań jobasynyń negizgi mindeti salyq zańnamasynyń erejelerin «Ardagerler týraly» zań jobasynda qoldanylatyn termındermen úılestirý bolyp tabylady. Zań jobasynda Uly Otan soǵysyna qatysýshylar men olarǵa teńestirilgen adamdarǵa qoldanylatyn salyq jáne bıýdjetke tólenetin basqa da mindetti tólemderdiń keıbir túrlerin tóleýden bosatý basqa memleketterdiń aýmaǵyndaǵy soǵys qımyldarynyń ardagerlerine de usynylady.
Senator Baqytjan Jumaǵulov qujattarmen soǵys jáne eńbek ardagerlerin áleýmettik qorǵaý sharalarynyń biryńǵaı keshendi júıesi jasalatynyn atap ótti.
«Qoǵamdyq qatynastardy retteýdiń quqyqtyq aıasyn jańa deńgeıde bir júıege keltiretin jáne ardagerlerdiń jańa sanattaryn qalyptastyratyn osyndaı zań asa mańyzdy ári óte qajet. Qaralyp otyrǵan qujatta qoldanystaǵy zańnamadaǵy ardagerlerge beriletin barlyq erejeler men kepildikter jınaqtalǵan, sondaı-aq birqatar jańa erejeler men tásilderdiń bekitilgeni tyń jańalyq bolyp tabylady», - dep atap ótti B.Jumaǵulov.
Senatorlar «Qazaqstan Respýblıkasynyń keıbir zańnamalyq aktilerine kóshi-qon prosesterin retteý máseleleri boıynsha ózgerister men tolyqtyrýlar engizý týraly» zań jobasyn odan keıin qarady. Eńbek jáne halyqty áleýmettik qorǵaý mınıstriniń orynbasary Aqmádı Sarbasov óz baıandamasynda zań jobasynyń mindeti – kóshi-qon zańnamasyn jetildirý ekenin habarlady. Onyń ishinde elimizge keletin etnıkalyq repatrıanttar men qonys aýdarýshylarǵa qolaıly jaǵdaılar jasaý, el ekonomıkasynyń suranystaryna arnalǵan syrtqy eńbek kóshi-qonynyń tıimdi júıesin qurý, qolaıly ınvestısııalyq ahýal jasaý, halyqaralyq úzdik tájirıbeni eskere otyryp kóshi-qon prosesterin retteý salasyndaǵy quqyqtyq bazany keńeıtý jáne zańsyz kóshi-qonnyń jolyn kesý baǵyttary bar.
Senator Murat Baqtııarulynyń aıtýynsha, bul zań jobasynda birqatar erejeler kózdelip otyr. «Etnıkalyq repatrıanttar men qonys aýdarýshylarǵa qolaıly jaǵdaılar jasalady, kóshi-qon prosesterin retteý jáne zańsyz kóshi-qonǵa jol bermeý salasyndaǵy normatıvtik quqyqtyq baza keńeıedi. Odan basqa el ekonomıkasynyń qajettiligin qamtıtyn jaǵymdy ınvestısııalyq klımat qurýǵa baǵyttalǵan syrtqy eńbek kóshi-qonynyń tıimdi júıesi jetildiriledi, ozyq halyqaralyq tájirıbeni eskere otyryp, sheteldik jumys kúshin tartýǵa ruqsat berý úshin 4 aılyq eseptik kórsetkish mólsherinde memlekettik baj salyǵyn engizý jáne atqarýshylyq is júrgizýde bereshegi bar adamdardyń ketýine shekteýler kózdelgen tolyqtyrýlar engizý qaǵıdalary belgilengen», dedi M.Baqtııaruly.
Qujat Palatanyń qaraýyna berildi.
