«Bogatyr Komır» JShS jumyskeri JRVI (ORVI) dıagnozymen aýyryp ýaqytsha eńbekke jaramsyzdyq paraǵy boıynsha jumysta bolmaǵan, keıinnen ol qalalyq aýrýhananyń ınfeksııalyq bólimshesine jatqyzyldy.
EGRES-1 jumyskeri ótken demalysta temperatýrasy kóterilip, ózin jaısyz sezingennen keıin qaladaǵy ortalyq aýrýhanaǵa kelgen. Bul jumyskerdiń 2020.04.21 bastap Ekibastuz qalasynyń KVI naýqasy rastalǵan turǵynymen tyǵyz qatynasta bolýy sebepti karantınge jatqyzylǵan.
EGRES-2 jumyskeri aýysymnan keıin ózin álsiz sezinip, jedel járdem shaqyrǵan, sol jerde dárigerler onyń KVI juqtyrǵan týysqanymen baılanysta bolǵanyn anyqtapty.
Qazirgi ýaqytta ınfeksııa juqtyrǵan naýqastarmen baılanysta bolǵan adamdardyń barlyǵy anyqtaldy, KVI naýqasy rastalǵan barlyq kásiporyndar Ekibastuz qalasynyń SES mekemesimen jáne qalalyq aýrýhanamen birigip jumys jasaýda, jumys oryndaryna jdáne jumyskerlerdi tasymaldaıtyn avtobýstardyń barlyǵyna jedel sanıtarlyq óńdeý jumystary júrgizildi. Kompanııalardaǵy jedel áreket etý shtaby KVI naýqasynyń aldyn alý jáne taralmaýy úshin barlyq qajetti is-sharalardy júrgizýde.
«Samuryq-Energo» AQ-ǵa qarasty barlyq Ekibastuz energııa keshenderi shtattyq rejimde jumys isteýde jáne elektr energııasyn jetkizý men kómir tıeý-tasý jumystaryna qatysty óz mindettemelerin tolyq kólemde oryndaýda. Máselen, 2020 jylǵy 23 sáýirdegi jaǵdaı boıynsha EGRES-1 kásipornynda 6,3 mlrd kVts elektr energııasy óndirilip, ótken jyldyń osy kezeńimen salystyrǵanda 136% kórsetkishti, al «Bogatyr Komır» JShS kesiginen 15,2 mln tonna kómir jóneltilip, ótken jylǵy osy kezeńine qaraǵanda 102% nátıjeni kórsetip otyr.
«Samuryq-Energo» AQ kompanııasy naýqastanǵan jumyskerlerdiń tez arada aıyǵyp, ortamyzǵa qosylýyna tilektestik bildirip, azamattarǵa karantın talaptaryn qatań qadaǵalaý qajettigin esterine salady.
