Karantın kezinde Raıymbek – Almaty jol ýchaskesinde qozǵalys bóligin keńeıtýge qatysty kúrdeli jóndeý jumystaryna 117 adam jáne 61 tehnıka jumyldyrylǵan. Saıranbek Barmaqovtyń aıtýynsha, osy jol bóliginde kommýnıkasııalardy tasymaldaý, jóndeý jumystary uıymdastyrylǵan. Jol-qurylys materıaldary daıyndaldy. Jyl sońyna deıin jol boıynda tolyqtaı qozǵalys ashylyp, jaıaý júrginshilerge arnalǵan jer ústi ótkelderi men jasandy quraldardyń jumysy aıaqtalady. Shamalǵan stansasyndaǵy jol ótkeliniń qurylysy – uzyndyǵy 6 shaqyrymdy quraıtyn, ár baǵytta 2 jolaqtan, 4 jolaqty qozǵalysqa laıyqtalǵan 1 sanattaǵy jol retinde jobalanǵan.
Temirjolmen qılysqan jerde uzyndyǵy 340 metr bolatyn estakada jobasy ázirlendi. Estakada jol qozǵalysy qatysýshylaryna avtomobıl jolynyń atalmysh ýchastkesin esh kedergisiz ótýine múmkindik beredi. Qazirgi tańda jobalaý-retteý jumystary aıaqtalýǵa jaqyn. Merdiger kompanııa tehnıkasy men jabdyqtaryn jumyldyrýda. Qajetti materıaldar daıyndalyp jatyr. Irgetasyn kóterý men estakada salý jumystary bastalyp ketti.
ALMATY
