«Hamıt Sanbaev esimdi azamat qaıtys boldy. Ol ansambldiń negizin qalaýshylardyń biri, óte aqkóńil azamat edi. Orny tolmas ólim. Mundaı keńpeıildi jandar týraly «Senimen birge qansha dáýrenimiz ótti!. Artyńdaǵy bizge óziń jaıly qansha estelik qaldyrdyń!?» dep aıtady. Hamıtti máńgi jadymyzda saqtaımyz jáne ol úshin duǵa tileımiz! Imandy bolsyn», - delingen toptyń jelidegi resmı paraqshasynda
Esterińizge sala keteıik, Dos-Muqasan — estradalyq vokaldi aspaptar ansambli. Ansambldiń kórkemdik jetekshisi - Murat Qusaıynov. Ansambl quramy eki ret (1975, 1985) jańarǵan. 1997 jyly Dosmuqasannyń qurylǵanyna 30 jyl tolýyna baılanysty «Áýen» mýzyka stýdııasynan «Toı jyry» degen atpen ansambldiń 1967 — 75 jyldary oryndaǵan eń tańdaýly ánderiniń «Úntaspa»-albomy shyǵaryldy.
